Author: globaleye24x7.com

சென்னை: மாணவர்களின் மனச்சுமையையும் புத்தகச் சுமையையும் குறைக்கும் வகையில் புதிய பாடத்திட்டம் அறிமுகப்படுத்தப்படும் என்று பாடத்திட்ட ஆலோசனைக்குழு கூட்டத்தில் அமைச்சர் ராஜ்மோகன் தெரிவித்துள்ளார். கூட்டத்தில் பேசிய அவர், “மாணவர்களின் மனச்சுமையைக் குறைக்கும் வகையில் புதிய பாடத்திட்டம் வடிவமைக்கப்பட்டு அறிமுகம் செய்யப்படும். இனி பாடப்புத்தகங்கள் அதிகப் படங்கள் நிறைந்ததாக மாற்றப்படும். இதனால் புத்தகங்களின் சுமை குறையும்போது, இயல்பாகவே மாணவர்களின் மனச்சுமையும் குறையும். மேலும், வெறும் ஏட்டுக்கல்வியாக இல்லாமல், பண்பாட்டையும் பெற்றோரையும் மதித்துப் போற்றும் கல்வியாக இந்தப் புதிய பாடத்திட்டம் அமையும்” என்று பேசினார்.

சென்னை: முதலமைச்சர் விஜய் தலைமையில், மனிதவள மேலாண்மைத் துறை சார்பில் செயல்படுத்தப்பட்டு வரும் பல்வேறு திட்டங்கள் குறித்த உயர்நிலைக் கலந்தாய்வுக் கூட்டம் தலைமைச் செயலகத்தில் நடைபெற்றது. இக்கூட்டத்தில் மனிதவள மேலாண்மைத் துறை அமைச்சர் சரத்குமார் மற்றும் அரசு உயர் அதிகாரிகள் பலர் கலந்துகொண்டனர். இக்கூட்டத்தின் போது: அரசுத் துறைகளின் செயல்பாடுகளை மேலும் விரைவுபடுத்தவும், இளைஞர்களுக்கு வேலைவாய்ப்புகளை உடனடியாக உறுதிசெய்யவும் தேவையான நடவடிக்கைகளை விரைந்து எடுக்குமாறு அதிகாரிகளுக்கு முதலமைச்சர் அறிவுறுத்தினார்.

சென்னை: கடினமான கணிதப் பாடம் இனி கதைகளின் வழியே மாணவர்களுக்கு எளிமையாகக் கற்பிக்கப்படும் என்று பாடத்திட்ட ஆலோசனைக்குழு கூட்டத்தில் அமைச்சர் ராஜ்மோகன் தெரிவித்துள்ளார். கூட்டத்தில் பேசிய அவர், “நான் படிக்கும் காலத்தில் கணிதம் வராமல் அதிகமாக அடி வாங்கியுள்ளேன். மாணவர்களுக்குக் கணிதப் பாடம் மீதான பயத்தைப் போக்கும் வகையில், இனி கதைகளின் வழியே அது எளிமையாகக் கற்பிக்கப்படும். அத்துடன் அறிவியல், தொழில்நுட்பம், பொறியியல், கலை மற்றும் கணிதம் ஆகியவை ஒருங்கிணைந்த ‘Steam Education’ முறை அறிமுகப்படுத்தப்படும். புதிய பாடத்திட்டமானது குழந்தைகளை மையப்படுத்திய கல்வியாகவும், அனைவருக்குமான கல்வியாகவும் சிறப்பாக மாற்றி அமைக்கப்படும்” என்று பேசினார்.

புதுடெல்லி: டெல்லியில் CJP பேரணியில் மாணவர்கள் மீது நடத்தப்பட்ட தடியடி சம்பவத்திற்கு மத்திய அரசே முழு பொறுப்பேற்க வேண்டும் என்றும், பிரதமர் மோடி மன்னிப்பு கேட்க வேண்டும் என்றும் காங்கிரஸ் மூத்த தலைவர் ராகுல் காந்தி வலியுறுத்தியுள்ளார். இதுகுறித்து அவர் வெளியிட்டுள்ள கண்டன அறிக்கையில், “மாணவர்கள் அமைதியான முறையில் நடத்திய பேரணியில் காவல் துறையினர் தடியடி நடத்தியது கடும் கண்டனத்திற்குரியது. இந்தச் சம்பவத்திற்கு மத்திய அரசே முழு பொறுப்பு. பாதிக்கப்பட்ட மாணவர்களிடம் பிரதமர் நரேந்திர மோடி உடனடியாக மன்னிப்பு கேட்க வேண்டும்” எனத் தெரிவித்துள்ளார். மேலும், மாணவர்களின் உரிமையைப் பறிக்கும் வகையிலும், பாதுகாப்பை உறுதி செய்யத் தவறியதைக் கண்டித்தும் மத்திய கல்வி அமைச்சர் தர்மேந்திர பிரதான் மற்றும் மத்திய உள்துறை அமைச்சர் அமித் ஷா ஆகிய இருவரும் உடனடியாகத் தங்கள் பதவிகளை ராஜினாமா செய்ய வேண்டும் என்றும் ராகுல் காந்தி வலியுறுத்தியுள்ளார்.

FIFA உலகக் கோப்பை கால்பந்து தொடரில் 2-வது முறையாக சாம்பியன் பட்டம் வென்று தாயகம் திரும்பிய ஸ்பெயின் நாட்டு கால்பந்து வீரர்களுக்குத் தலைநகர் மாட்ரிட்டில் லட்சக்கணக்கான ரசிகர்கள் திரண்டு வந்து உற்சாக வரவேற்பு அளித்தனர். நடப்பு சாம்பியனான அர்ஜென்டினாவை வீழ்த்தி வரலாற்றுச் சாதனை படைத்த ஸ்பெயின் அணி, உலகக் கோப்பையுடன் தாயகம் திரும்பியது. தலைநகர் மாட்ரிட்டின் வீதிகளில் திறந்தவெளிப் பேருந்தில் அணிவகுத்து வந்த வீரர்களைக் காணச் சுமார் 18 லட்சத்திற்கும் மேற்பட்ட ரசிகர்கள் திரண்டு, தேசியக் கொடிகளை ஏந்தி ஆரவாரத்துடன் தங்களது வாழ்த்துகளைத் தெரிவித்தனர். நாட்டின் அரசர் மற்றும் பிரதமரைச் சந்தித்த பிறகு நடைபெற்ற இந்த பிரம்மாண்ட வெற்றிப் பேரணியில், வீரர்கள் உலகக் கோப்பையை ஏந்தி ரசிகர்களுடன் தங்களின் வரலாற்றுச் சிறப்புமிக்க வெற்றியைக் கொண்டாடி மகிழ்ந்தனர்.

பொள்ளாச்சி: பொள்ளாச்சி பகுதியில் விதிகளை மீறி வெளியிடப்பட்ட 22 டெண்டர்களை ரத்து செய்து தமிழ்நாடு நீர்வளத்துறை அதிரடி உத்தரவிட்டுள்ளது. பொள்ளாச்சி நீர்வளத்துறை சார்பில் அறிவிக்கப்பட்ட பல்வேறு பணிகளுக்கான டெண்டர்களில், அனைவரும் பங்கேற்கும் வகையிலான ‘ஓபன்’ (Open) டெண்டராக அறிவிக்கப்படாமல், குறிப்பிட்ட சிலருக்கு மட்டுமே பயன்படும் வகையில் ‘லிமிடெட்’ (Limited) டெண்டராக வெளியிடப்பட்டதாகப் புகார்கள் எழுந்தன. மேலும், விதிகளை மீறி ஒப்பந்ததாரர்களை நேரில் வரவழைக்கும் வகையிலான நிபந்தனைகளும் அதில் சேர்க்கப்பட்டிருந்ததாகக் குற்றஞ்சாட்டப்பட்டது. இப்புகார்கள் குறித்து நடத்தப்பட்ட விசாரணையின் அடிப்படையில், விதிகளை மீறி அறிவிக்கப்பட்ட அந்த 22 டெண்டர்களையும் முழுமையாக ரத்து செய்து நீர்வளத்துறை நடவடிக்கை எடுத்துள்ளது.

சென்னை: தமிழ் திரையுலகின் முன்னணி கதாநாயகர்களில் ஒருவரான நடிகர் பரத் இன்று தனது பிறந்தநாளைக் கொண்டாடுகிறார். ‘பாய்ஸ்’ திரைப்படத்தின் மூலம் அறிமுகமாகி, ‘காதல்’ படத்தின் மூலம் திரையுலகில் தனக்கென ஒரு நிலையான இடத்தை அழுத்தமாகப் பதித்தவர் பரத். ‘வெயில்’, ‘எம்டன் மகன்’, ‘பட்டிமன்றம்’, ‘சேவல்’, ‘கண்டேன் காதலை’ எனப் பல வெற்றித் திரைப்படங்களில் தனது சிறப்பான நடிப்பையும் நடனத் திறமையையும் வெளிப்படுத்தி ரசிகர்கள் மனதில் இடம் பிடித்துள்ளார். திரையுலகில் பலதரப்பட்ட கதாபாத்திரங்களில் நடித்து ரசிகர்களைக் கவர்ந்து வரும் நடிகர் பரத்திற்குத் திரையுலகப் பிரபலங்கள், நண்பர்கள் மற்றும் ரசிகர்கள் சமூக வலைத்தளங்களில் தங்களது அன்பான பிறந்தநாள் வாழ்த்துகளைத் தெரிவித்து வருகின்றனர்.

சென்னை: தமிழ் சினிமாவில் சஸ்பென்ஸ் மற்றும் த்ரில்லர் வகை திரைப்படங்களை நேர்த்தியாகத் தேர்ந்தெடுத்து நடித்து, தனக்கெனத் தனித்துவமான ரசிகர் பட்டாளத்தை உருவாக்கியுள்ள நடிகர் அருள்நிதி இன்று தனது பிறந்தநாளைக் கொண்டாடுகிறார். ‘வம்சம்’ திரைப்படத்தின் மூலம் கதாநாயகனாக அறிமுகமான அருள்நிதி, ‘மௌன குரு’, ‘டிமாண்டி காலனி’, ‘ஆறாது சினம்’, ‘இரவின் நிழல்’ போன்ற வித்தியாசமான த்ரில்லர் கதைக் களங்களில் தனது இயல்பான நடிப்பை வெளிப்படுத்தி ரசிகர்களின் மனதைக் கவர்ந்தார். திரையுலகில் தனக்கென ஒரு தனி வழியை உருவாக்கி வெற்றிநடை போடும் ‘த்ரில்லர் நாயகன்’ அருள்நிதிக்குத் திரையுலக பிரபலங்கள், ரசிகர்கள் மற்றும் பொதுமக்கள் சமூக வலைத்தளங்களில் தங்களது அன்பான பிறந்தநாள் வாழ்த்துகளைத் தெரிவித்து வருகின்றனர்.

சென்னை: தமிழகத்தில் தமிழக வெற்றிக் கழகம் (தவெக) அரசின் முதலாவது நிதிநிலை அறிக்கை (பட்ஜெட்) வரும் ஆகஸ்ட் 5-ஆம் தேதி தாக்கல் செய்யப்படும் என்றும், பேரவை நடவடிக்கைகள் முழுவதும் நேரலை செய்யப்படும் என்றும் சபாநாயகர் தெரிவித்துள்ளார். சட்டப்பேரவை கூட்டத்தொடர் குறித்துச் செய்தியாளர்களைச் சந்தித்த சபாநாயகர் கூறுகையில்: பட்ஜெட் தாக்கல் செய்யப்பட்ட பிறகு, ஆய்வு மன்றக் கூட்டம் (BAC) கூடி கூட்டத்தொடரை எத்தனை நாட்கள் நடத்துவது என்பது குறித்து முடிவு செய்யப்படும் எனத் தெரிவிக்கப்பட்டுள்ளது.

சென்னை: கன்னட திரையுலகின் முன்னணி நட்சத்திரம் யஷ் நடிப்பில் உருவாகி வரும் “டாக்சிக்” (Toxic) திரைப்படத்திலிருந்து “தடுமாறுதே” என்ற மெலடி பாடல் அதிகாரப்பூர்வமாக வெளியாகி ரசிகர்களிடையே பெரும் வரவேற்பைப் பெற்று வருகிறது. கீது மோகன்தாஸ் இயக்கத்தில் பிரம்மாண்டமாக உருவாகும் இத்திரைப்படத்தின் மீதான எதிர்பார்ப்பு ஏற்கனவே உச்சத்தில் உள்ள நிலையில், தற்போது வெளியாகியுள்ள இப்பாடல் இணையதளங்களில் வைரலாகி வருகிறது. மனதைக் கவரும் வரிகளுடனும் இதமான இசையுடனும் உருவாகியுள்ள இப்பாடலின் லிரிக்கல் வீடியோவை ரசிகர்கள் சமூக வலைத்தளங்களில் அதிகளவில் பகிர்ந்து வருகின்றனர். இத்திரைப்படத்தின் அடுத்தடுத்த அப்டேட்கள் விரைவில் வெளியாகும் என எதிர்பார்க்கப்படுகிறது.