ஹோர்முஸுக்கு அடுத்து ‘பாப் எல் மன்தீப்’: உலக எண்ணெய் வர்த்தகத்தை முடக்க ஈரான் திட்டம்?

டெஹ்ரான் / சனா:

அமெரிக்கா தனது நாட்டின் மின் உற்பத்தி நிலையங்கள் மற்றும் உள் கட்டமைப்புகள் மீது தாக்குதல் நடாத்தினால், செங்கடலையும் (Red Sea) ஏடன் வளைகுடாவையும் இணைக்கும் உத்திசார் முக்கியத்துவம் வாய்ந்த ‘பாப் எல் மன்தீப்’ நீரிணையை மூடுமாறு யேமனின் ஹவுதி அமைப்பினருக்கு ஈரான் உத்தரவிட்டுள்ளதாகத் தகவல்கள் வெளியாகியுள்ளன.

பின்னணி & முக்கிய நிகழ்வுகள்

• அமெரிக்காவுக்கு எச்செரிக்கை: ஈரான் மின் நிலையங்கள் மீது அமெரிக்கா தாக்குதல் நடத்தினால், பதிலடியாக பாப் எல் மன்தீப் பாதையை முற்றிலும் முடக்கும் வகையில் ஏவுகணைகள் மற்றும் ட்ரோன்களைத் தயாராக வைத்துள்ளதாக ஹவுதி படைத் தரப்பில் தெரிவிக்கப்பட்டுள்ளது.
• ஹோர்முஸ் நீரிணை முடக்கம்: ஏற்கெனவே உலகின் 20% எண்ணெய் வர்த்தகம் நடைபெறும் ஹோர்முஸ் நீரிணையை ஈரான் அடைத்துள்ளதால், வளைகுடா நாடுகள் செங்கடல் வழியாகவே மாற்றுப் பாதையில் கச்சா எண்ணெய்யை ஏற்றுமதி செய்து வந்தன.
• ஒரே நேரத்தில் இரு முனைகளில் நெருக்கடி: தற்போது பாப் எல் மன்தீப் பாதையும் முடக்கப்பட்டால், உலகளவிலான கச்சா எண்ணெய் விநியோகத்தில் பேரதிர்ச்சி ஏற்படும்.

பொருளாதாரப் பாதிப்புகள் மற்றும் வல்லுநர்களின் கணிப்பு

1. எண்ணெய் விலை உயர்வு: இரு முக்கிய கடல்சார் பாதைகளும் அடைக்கப்பட்டால், சர்வதேச சந்தையில் கச்சா எண்ணெய் விலை ஒரு பேரலுக்கு $200 டாலர் வரை உயரக்கூடும் என எச்சரிக்கப்பட்டுள்ளது.
2. இந்தியாவிற்கு எழும் சவால்: இந்தியா தனது கச்சா எண்ணெய் தேவையின் பெரும்பகுதியை வளைகுடா நாடுகள் மற்றும் ரஷ்யாவிலிருந்தே பெறுகிறது; இந்த இரு பாதைகளும் முடங்குவது இந்தியப் பொருளாதாரத்திற்கும் இறக்குமதிக்கும் பெரும் சவாலாக அமையும்.