முன்னாள் கேப்டன்களின் ‘எமோஷனல்’ மோதல்: சஞ்சு சாம்சன் vs ரவீந்திர ஜடேஜா!
ஐபிஎல் 2026-ன் 3-வது லீக் போட்டியில் இன்று சென்னை மற்றும் ராஜஸ்தான் அணிகள் மோதுகின்றன. கடந்த சீசனில் கடைசி இடத்தைப் பிடித்த சென்னை மற்றும் 9-வது இடத்தைப் பிடித்த ராஜஸ்தான் ஆகிய இரு அணிகளுமே ஒரு புதிய தொடக்கத்தை எதிர்நோக்கி உள்ளன. குறிப்பாக, சிஎஸ்கே அணியில் இருந்து ரவீந்திர ஜடேஜா ராஜஸ்தான் அணிக்கும், ராஜஸ்தான் கேப்டனாக இருந்த சஞ்சு சாம்சன் சிஎஸ்கே அணிக்கும் மாறிய பின், இருவரும் தங்களின் முன்னாள் அணிகளுக்கு எதிராக முதன்முறையாகக் களம் காண்பது பெரும் எதிர்பார்ப்பை ஏற்படுத்தியுள்ளது.
இன்றைய போட்டியின் 5 முக்கிய ஹைலைட்ஸ்:
- புதிய கேப்டன்கள்: ராஜஸ்தான் அணியை அதன் ‘சொந்த ஊர் நாயகன்’ ரியான் பராக் வழிநடத்துகிறார். சென்னை அணி ருதுராஜ் கெய்க்வாட் தலைமையில் களம் காண்கிறது.
- தோனி மாயம்: கணுக்கால் காயம் காரணமாக எம்.எஸ்.தோனி முதல் இரண்டு வாரங்களுக்கு விளையாட மாட்டார் என அறிவிக்கப்பட்டுள்ளது. அவர் அணியுடன் குவகாத்திக்குச் செல்லவில்லை.
- சஞ்சு சாம்சன் அதிரடி: டி20 உலகக்கோப்பையில் 321 ரன்கள் குவித்து ஃபார்மில் இருக்கும் சஞ்சு சாம்சன், இன்று சென்னை அணிக்காகத் தொடக்க வீரராகவும், விக்கெட் கீப்பராகவும் செயல்படுவார்.
- காயத்தால் அவதிப்படும் சிஎஸ்கே: டெவால்ட் பிரெவிஸ் (பக்கவாட்டு தசைப்பிடிப்பு) இன்றைய போட்டியில் விளையாட மாட்டார். ஏற்கனவே வேகப்பந்து வீச்சாளர் நாதன் எல்லிஸ் தொடரிலிருந்து விலகியுள்ளார்.
- பிட்ச் ரிப்போர்ட்: குவகாத்தி மைதானம் பேட்டிங்கிற்குச் சாதகமானது. மாலை நேரத்தில் பனிப்பொழிவு (Dew) இருக்கும் என்பதால், டாஸ் வெல்லும் அணி பந்துவீச்சைத் தேர்வு செய்யவே அதிக வாய்ப்பு உள்ளது.
