லீட்ஸ் (இங்கிலாந்து): ஐசிசி மகளிர் டி20 உலகக்கோப்பை கிரிக்கெட் தொடரின் இன்றைய லீக் ஆட்டத்தில், ஹர்மன்பிரீத் கவுர் தலைமையிலான இந்திய மகளிர் அணி, நெதர்லாந்து அணியை எதிர்கொள்கிறது. இங்கிலாந்தின் லீட்ஸ் நகரில் உள்ள ஹெடிங்லி மைதானத்தில் இப்போட்டி நடைபெறவுள்ளது.
தனது முதல் ஆட்டத்தில் பரம எதிரியான பாகிஸ்தானை 64 ரன்கள் வித்தியாசத்தில் வீழ்த்தி, இந்திய அணி நடப்பு உலகக்கோப்பை தொடரை வெற்றியோடு தொடங்கியுள்ளது. அந்தப் போட்டியில் ஸ்மிருதி மந்தனா அரைசதம் அடித்து அசத்த, தீப்தி சர்மா 5 விக்கெட்டுகளை வீழ்த்தி வரலாற்றுச் சாதனை படைத்தார். இந்த அசுர ஃபார்முடன் இந்திய அணி இன்றைய ஆட்டத்திலும் ஆதிக்கம் செலுத்தக் காத்துக்கொண்டிருக்கிறது.
மறுபுறம், நெதர்லாந்து அணி தனது முதல் போட்டியில் வங்கதேசத்திடம் 6 விக்கெட்டுகள் வித்தியாசத்தில் தோல்வியடைந்தது. இதனால், பலம் வாய்ந்த இந்திய அணியின் பேட்டிங் மற்றும் பந்துவீச்சு கூட்டணியைச் சமாளிக்க நெதர்லாந்து வீராங்கனைகள் கடுமையாகப் போராட வேண்டியிருக்கும் என எதிர்பார்க்கப்படுகிறது.
