சென்னை: ஸ்ரீரங்கத்தில் இயங்குவதைப் போல மதுரையிலும் ஆன்மிகச் சுற்றுலாப் பயணிகளுக்காகத் ‘யாத்திரா நிவாஸ்’ விடுதி அமைக்க வேண்டும் மற்றும் வைகை ஆற்றுப் பாலத்தில் வண்ண விளக்குகள் அமைத்துச் சித்திரை திருவிழாவின் போது அழகரைக் கண்டு ரசிக்க வழிவகை செய்ய வேண்டும் எனத் தமிழக வெற்றித் கழகம் (TVK) சட்டமன்ற உறுப்பினர் முஸ்தபா கோரிக்கை விடுத்துள்ளார்.
சட்டமன்றத்தில் சட்டமன்ற உறுப்பினர் முஸ்தபா முன்வைத்த கோரிக்கைகள்:
- ஸ்ரீரங்கம் பாணியில் யாத்திரா நிவாஸ்: திருச்சி ஸ்ரீரங்கத்தில் லட்சக்கணக்கான பக்தர்கள் தங்குவதற்கு வசதியாக அமைக்கப்பட்டுள்ள ‘யாத்திரா நிவாஸ்’ விடுதி போல, வரலாற்றுச் சிறப்புமிக்க மதுரை மீனாட்சி அம்மன் கோயிலுக்கு வரும் பக்தர்கள் பயன்பெறும் வகையில் மதுரையிலும் பிரம்மாண்ட ‘யாத்திரா நிவாஸ்’ அமைக்கப்பட வேண்டும்.
- மீனாட்சி அம்மன் கோயில் கோபுர விளக்குகள்: மதுரை அருள்மிகு மீனாட்சி சுந்தரேஸ்வரர் திருக்கோயிலின் பிரம்மாண்ட ராஜகோபுரங்களில் இரவு நேரத்தில் கண்கவரும் வகையில் நவீன வண்ண விளக்குகள் (Decorative Lighting) அமைக்கப்பட வேண்டும்.
- வைகை பாலத்தில் சுற்றுலாப் பயணிகள் அழகரை ரசிக்க ஏற்பாடு: உலகப் புகழ்பெற்ற சித்திரை திருவிழாவின் போது, அழகர் வைகை ஆற்றில் இறங்கும் வைபவத்தைக் காண லட்சக்கணக்கான மக்கள் கூடுகின்றனர். எனவே, வைகை நதியின் மேம்பாலத்தில் அழகிய வண்ண விளக்குகள் அமைத்து, அங்கு வரும் சுற்றுலாப் பயணிகள் மற்றும் பொதுமக்கள் அழகரைச் சிரமமின்றிப் பார்த்து ரசிக்கச் சிறப்பு ஏற்பாடுகள் செய்ய வேண்டும்.
ஆன்மிகம் மற்றும் சுற்றுலாத் துறையை மேம்படுத்தும் வகையில் முன்வைக்கப்பட்டுள்ள இந்த கோரிக்கைகள் மதுரை மக்களின் கவனத்தை ஈர்த்துள்ளன.
