தமிழ்நாட்டில் காசநோய் ஒழிப்பில் சமுதாயப் பங்களிப்பை வலுப்படுத்தும் நோக்கில், இளைஞர்களை உள்ளடக்கிய “காசநோய் இல்லா JOSH (Joint Squad for Health) அணியை” மாண்புமிகு மக்கள் நல்வாழ்வுத் துறை அமைச்சர் தொடங்கி வைத்தார்!
- துவக்க விழா: ஒன்றிய அரசின் சுகாதாரம் மற்றும் குடும்பநலத்துறை அமைச்சர் திரு. ஜெகத் பிரகாஷ் நட்டா தலைமையில் புதுதில்லி பாரத் மண்டபத்தில் நடைபெற்ற தேசிய அளவிலான நிகழ்ச்சியில், சென்னை தலைமைச் செயலகத்திலிருந்து காணொலிக் காட்சி வாயிலாகப் பங்கேற்று இத்திட்டத்தை அமைச்சர் டாக்டர் கோ.க. அருண்ராஜ் தொடங்கி வைத்தார்.
- இளைஞர்களின் பங்களிப்பு: தமிழ்நாட்டை காசநோயற்ற மாநிலமாக மாற்றும் முயற்சியில் இளைஞர்களின் ஆற்றலை ஒருங்கிணைத்து, விழிப்புணர்வு மற்றும் தடுப்பு நடவடிக்கைகளை இக்குழு தீவிரப்படுத்தும்.
- பங்கேற்ற அதிகாரிகள்: இந்நிகழ்ச்சியில் மருத்துவம் மற்றும் மக்கள் நல்வாழ்வுத்துறை அரசு செயலாளர் டாக்டர் தாரேஸ் அகமது, இ.ஆ.ப., தேசிய நல்வாழ்வு குழும இயக்குநர் டாக்டர் ச. அனீஷ்சேகர், இ.ஆ.ப. மற்றும் துறை சார்ந்த அலுவலர்கள் கலந்துகொண்டனர்.
காசநோய் இல்லா தமிழகத்தை உருவாக்க இளைஞர்களைக் கொண்டு உருவாக்கப்பட்டுள்ள இந்த ‘JOSH’ இயக்கம் பற்றிய உங்கள் கருத்துகளைப் பகிருங்கள்! 👇
