“சென்னையில் கியூனே+நாகல் நிறுவனத்தின் புதிய சர்வதேச தொழில் நுட்ப மையம்!” – காணொலி வாயிலாகத் தொடங்கி வைத்து அமைச்சர் கீர்த்தனா வாழ்த்து!

சென்னை: சுவிட்சர்லாந்தைச் சேர்ந்த உலகப் புகழ்பெற்ற லாஜிஸ்டிக்ஸ் நிறுவனமான கியூனே+நாகல் (Kuehne+Nagel), சென்னை தரமணியில் உள்ள DLF வளாகத்தில் தனது புதிய அதிநவீன தொழில்நுட்ப மையத்தைத் தொடங்கியுள்ளது. இந்நிகழ்வில் அமைச்சர் கீர்த்தனா அவர்கள் காணொலி (Virtual) வாயிலாகக் கலந்து கொண்டு சிறப்புரையாற்றினார்.

நிகழ்வின் முக்கிய அம்சங்கள்:

• மையத்தின் அமைவிடம்: DLF, தரமணி, சென்னை.
• அமைச்சரின் உறுதிமொழி: புதிய மையத்தைத் தொடங்கி வைத்து உரையாற்றிய அமைச்சர் கீர்த்தனா, தமிழ்நாட்டில் தொழில் தொடங்கும் உலகளாவிய நிறுவனங்களுக்கு அரசு எப்போதும் முழு ஆதரவையும் ஒத்துழைப்பையும் வழங்கும் என உறுதியளித்தார்.
• சென்னையின் சிறப்பம்சம்: சென்னையின் வலுவான தொழில்நுட்பக் கட்டமைப்பு, திறமைமிக்க இளைஞர்கள் மற்றும் உலகளாவிய தொலைநோக்குப் பார்வை ஆகியவை, உலகளாவிய திறன் மையங்கள் (GCC) மற்றும் உயர்-மதிப்பு தொழில்நுட்ப மையங்களை அமைக்க மிகச்சிறந்த இடமாகச் சென்னையை மாற்றியுள்ளன.

• வேலைவாய்ப்புகள்: இந்த புதிய மையத்தின் மூலம் ஏராளமான உயர்தர தொழில்நுட்ப வல்லுநர்களுக்குப் புதிய வேலைவாய்ப்புகள் உருவாகும்.

• அரரசின் இலக்கு: முதலமைச்சர் மாண்புமிகு திரு. C.ஜோசப் விஜய் அவர்களின் வழிகாட்டுதலின் கீழ், சர்வதேச நிறுவனங்கள் வளரவும், தமிழ்நாட்டு இளைஞர்கள் சிறந்த தொழில் வாழ்க்கையை அமைக்கவும் ஏற்றச் சூழல் தொடர்ந்து உருவாக்கப்பட்டு வருகிறது.