டெக்சஸ்:
உலகக்கோப்பை கால்பந்து தொடரின் முதல் அரையிறுதிப் போட்டியில் பலம் வாய்ந்த ஸ்பெயின் அணியை எதிர்கொள்ளப் பிரான்ஸ் அணி தீவிரமாகத் தயாராகி வருகிறது. கடந்த காலத் தோல்விகளைப் பற்றி யோசிக்காமல், தங்களின் முழு பலத்தையும் மைதானத்தில் வெளிப்படுத்தக் காத்துக் கொண்டிருப்பதாகப் பிரான்ஸ் வீரர்கள் தெரிவித்துள்ளனர்.
இப்ராஹிமா கொனாட்டே (Ibrahima Konate) கருத்து:
செய்தியாளர் சந்திப்பில் பேசிய பிரான்ஸ் அணியின் சென்டர்-பேக் வீரர் கொனாட்டே கூறியதாவது:
“கால்பந்து களத்தில் நீங்கள் யாருக்கும் அஞ்சக் கூடாது. ஸ்பெயின் அணி பல தனித்துவமான திறமைகளைக் கொண்ட ஒரு விதிவிலக்கான அணி என்பதில் மாற்றுக் கருத்து இல்லை. ஆனால், நாங்கள் லமினே யமல் (Lamine Yamal) என்ற ஒரே ஒரு வீரரை மட்டும் குறிவைத்து வியூகம் வகுக்கப் போவதில்லை. ஒட்டுமொத்த ஸ்பெயின் அணியையும் எதிர்கொள்ளத் தயாராகி வருகிறோம். நாங்கள் மிகவும் பணிவோடும், அதே சமயம் உறுதியோடும் களம் காண்போம்.”
மாக்சென்ஸ் லாக்ரோயிக்ஸ் (Maxence Lacroix) விளக்கம்:
மற்றொரு பிரான்ஸ் தற்காப்பு வீரரான லாக்ரோயிக்ஸ் பேசுகையில்:
“அச்சம் என்ற வார்த்தைக்கு இங்கு இடமில்லை. ஆனால் ஸ்பெயின் அணியின் தற்போதைய ஃபார்ம் மற்றும் திறனை நாங்கள் நன்கு அறிவோம். அவர்கள் இந்தத் தொடரில் தங்களின் பெரும்பாலான போட்டிகளில் வென்று அசத்தியுள்ளனர். அவர்களின் தரத்திற்கு நாங்கள் முழு மரியாதை அளிக்கிறோம், அதே நேரத்தில் இப்போட்டியில் வென்று இறுதிப் போட்டிக்குச் செல்ல வேண்டும் என்பதில் நாங்கள் தெளிவாக இருக்கிறோம். லமினே யமல் போன்ற வீரர்களைத் தடுக்க எங்களிடம் சிறந்த டிஃபென்ஸ் அரண் உள்ளது.”
போட்டி விவரங்கள் (Match Schedule – IST)
- போட்டி: பிரான்ஸ் 🇫🇷 விவி ஸ்பெயின் 🇪🇸 (உலகக்கோப்பை அரையிறுதி)
- நாள்/நேரம்: ஜூலை 15, 2026 அன்று நள்ளிரவு 12:30 AM (IST)
- மைதானம்: AT&T ஸ்டேடியம், ஆர்லிங்டன், டெக்சஸ் (அமெரிக்கா)
இந்த உலகக்கோப்பை தொடரில் மிகக் குறைந்த கோல்களை மட்டுமே கொடுத்து அசாத்திய தற்காப்பு ஆட்டத்தை வெளிப்படுத்தியுள்ள ஸ்பெயின் அணியின் தடுப்பரணை உடைத்து, பிரான்ஸ் அணி தொடர்ந்து மூன்றாவது முறையாக உலகக்கோப்பை இறுதிப் போட்டிக்குத் தகுதி பெறுமா என்ற எதிர்பார்ப்பு உலகக் கால்பந்து ரசிகர்களிடையே எகிறியுள்ளது.
