இந்திய விளையாட்டு மேம்பாட்டு ஆணையத்தின் (Sports Authority of India – SAI) அதிகாரப்பூர்வ பெயரைப் போன்று, போலியாக ‘Sports Association of India (SAI)’ என்ற பெயரில் இயங்கி வரும் ஒரு தனியார் அமைப்பு குறித்து மத்திய அரசின் பத்திரிகை தகவல் அலுவலகம் (PIB Fact Check) ஒரு முக்கியப் போலிச் செய்தி எச்சரிக்கையை வெளியிட்டுள்ளது.
விளையாட்டு வீரர்கள் மற்றும் இளைஞர்கள் ஏமாற வேண்டாம் எனத் அரசும் விழிப்புணர்வை ஏற்படுத்தி வருகிறது.
❌ இந்த போலி அமைப்பு செய்யும் மோசடிகள் என்னென்ன?
மத்திய அரசின் இளைஞர் நலன் மற்றும் விளையாட்டு அமைச்சகத்தின் (Ministry of Youth Affairs & Sports) அங்கீகாரம் பெற்றது என இந்த அமைப்பு முற்றிலும் பொய்யானத் தகவல்களைப் பரப்பி வருகிறது:
- போலி தேர்வுக் கடிதங்கள்: தேசிய மற்றும் சர்வதேச அளவிலான விளையாட்டுப் போட்டிகளுக்கு வீரர்களைத் தேர்வு செய்வது போலப் போலித் தேர்வுக் கடிதங்கள் (Player Selection Letters) மற்றும் விளம்பரங்களை இந்த அமைப்பு வெளியிட்டு வருகிறது.
- பண மோசடி: தங்களது சாம்பியன்ஷிப் போட்டிகளில் பங்கேற்கப் பதிவு கட்டணமாக (Registration Fee) வீரர்களிடம் இருந்து ₹1,500 வசூல் செய்து ஏமாற்றி வருகிறது.
- முத்திரைகள் தவறானப் பயன்பாடு: மத்திய அரசின் ‘Fit India Movement’ திட்டத்துடன் தங்களுக்குத் தொடர்பு இருப்பதாகக் கூறி, அதன் லோகோ (Fit India Logo) மற்றும் பிராண்டிங்கை எவ்வித அனுமதியுமின்றி சட்டவிரோதமாகப் பயன்படுத்தி வருகிறது.
🛡️ மத்திய அமைச்சகத்தின் அதிகாரப்பூர்வ விளக்கம்:
மத்திய இளைஞர் நலன் மற்றும் விளையாட்டு அமைச்சகம் இந்த ‘Sports Association of India’ என்ற தனியார் அமைப்பிற்கு எவ்வித அங்கீகாரமோ அல்லது இணைப்போ (Affiliation) வழங்கவில்லை. இந்த அமைப்பிற்கும் மத்திய அரசின் ஃபிட் இந்தியா (Fit India) திட்டத்திற்கும் எந்தவொரு சம்பந்தமும் இல்லை.
🌐 அதிகாரப்பூர்வ விபரங்களுக்கு எங்குச் செல்ல வேண்டும்?
விளையாட்டு வீரர்கள் தங்களது பதிவுகள், தேர்வுகள் மற்றும் போட்டிகள் குறித்த உண்மையான மற்றும் அதிகாரப்பூர்வ விபரங்களை அறிய இந்திய அரசின் உண்மையான விளையாட்டு மேம்பாட்டு ஆணையத்தின் (Sports Authority of India – SAI) அதிகாரப்பூர்வ இணையதளத்தைப் பார்வையிடுமாறு கேட்டுக் கொள்ளப்படுகிறார்கள்:
🔗 அதிகாரப்பூர்வ இணையதளம்: https://sportsauthorityofindia.nic.in/
🗣️ மக்களே, நீங்க என்ன நினைக்கிறீங்க?
சாதிக்கத் துடிக்கும் ஏழை எளிய விளையாட்டு வீரர்களின் கனவுகளையும், உழைப்பையும் முதலீடாக்கி ₹1,500 கட்டணம் வசூலிக்கும் இதுபோன்ற போலி அமைப்புகள் மீது அரசு கடுமையான சட்டப்படியான நடவடிகைகளை எடுக்க வேண்டும்.
இளைஞர்களை ஏமாற்றும் இதுபோன்ற போலி விளையாட்டு அமைப்புகள் குறித்தும், கிராமப்புற விளையாட்டு வீரர்களுக்குக் கிடைக்க வேண்டிய விழிப்புணர்வு குறித்தும் நீங்க என்ன நினைக்கிறீங்க? உங்களது மேலான கருத்துக்களைக் கீழே கமெண்ட்டில் பகிர்ந்து கொள்ளுங்கள்! 👇
