ராகுலை பிரதமர் வேட்பாளராக முன்மொழிந்ததற்குக் காங்கிரஸ் தந்த பரிசு இதுவா? – திமுக கேள்வி!
தமிழகத்தில் தவெக ஆட்சி அமைக்க ஆதரவு தெரிவித்துள்ள காங்கிரஸ் கட்சியின் முடிவை “பச்சைத் துரோகம்” மற்றும் “சந்தர்ப்பவாதம்” எனச் சாடி திமுக பொருளாளர் டி.ஆர். பாலு அறிக்கை வெளியிட்டுள்ளார்.
டி.ஆர். பாலு அறிக்கையின் முக்கியக் குற்றச்சாட்டுகள்:
- பச்சைத் துரோகம்: திமுக ஆட்சி அமையும் என்று நம்பி வாக்களித்த மக்களுக்கு, காங்கிரஸ் கட்சி செய்திருப்பது மிகப்பெரிய துரோகம். 5 எம்.எல்.ஏ-க்களை வைத்துக்கொண்டு கயமையுடன் மாற்று அணிக்குச் சென்றிருப்பதாகச் சாடியுள்ளார்.
- பாஜக பாணி அரசியல்: குறுக்கு வழியில் அதிகாரத்தைப் பிடிக்க பாஜக பல மாநிலங்களில் என்ன செய்ததோ, அதையே காங்கிரஸ் தற்போது தமிழ்நாட்டில் செய்துள்ளதாகக் குற்றம் சாட்டியுள்ளார்.
- மறக்கப்பட்ட நட்பு: ராகுல் காந்தியைப் பிரதமர் வேட்பாளராக 2019-ல் முதன்முதலில் முன்மொழிந்தது முதல், நெருக்கடியான நேரங்களில் உற்றத் தோழனாகத் திமுக இருந்ததை காங்கிரஸ் மறந்துவிட்டது என வருத்தம் தெரிவித்துள்ளார்.
- சந்தர்ப்பவாத முகமூடி: காங்கிரஸ் எடுத்துள்ள முடிவை “கொள்கை முலாம்” பூசி நியாயப்படுத்த முயற்சிப்பதாகவும், உண்மையில் இது அதிகாரத்திற்காகப் போடப்பட்ட சந்தர்ப்பவாத முகமூடி என்றும் குறிப்பிட்டுள்ளார்.
