தமிழக அரசியல் மற்றும் சினிமா வரலாற்றில் 49 ஆண்டுகளுக்குப் பிறகு அரிதான ஒரு நிகழ்வாக, முதலமைச்சராகப் பதவியேற்ற பிறகு நடிகர் விஜய்யின் ‘ஜனநாயகன்’ திரைப்படம் திரைக்கு வந்து புதிய வரலாறு படைத்துள்ளது.
தமிழக திரையுலகிலும் அரசியலிலும் மிக நீண்ட இடைவெளிக்குப் பிறகு ஒரு அபூர்வமான வரலாற்று நிகழ்வு மீண்டும் அரங்கேறியுள்ளது. 1977-ஆம் ஆண்டு மறைந்த முன்னாள் முதலமைச்சர் எம்.ஜி.ராமச்சந்திரன் (எம்.ஜி.ஆர்) முதலமைச்சராகப் பொறுப்பேற்ற பிறகு, அவர் நடித்த ‘மீனவ நண்பன்’ மற்றும் ‘மதுரையை மீட்ட சுந்தரபாண்டியன்’ ஆகிய திரைப்படங்கள் திரையரங்குகளில் வெளியாகின.
அதன்பிறகு சுமார் 49 ஆண்டுகள் கழித்து, அந்தப் பெருமையையும் வரலாற்றையும் தற்போது முதலமைச்சர் விஜய் தன்வசமாக்கியுள்ளார்.
‘ஜனநாயகன்’ உருவாக்கிய புதிய வரலாறு
எச். வினோத் இயக்கத்தில் விஜய் நடித்துள்ள ‘ஜனநாயகன்’ திரைப்படம் அவரது திரையுலகப் பயணத்தின் 69-வது மற்றும் கடைசிப் படமாகக் கருதப்பட்டது. ஆரம்பத்தில் இப்படத்தை பொங்கல் பண்டிகையை முன்னிட்டு வெளியிடத் திட்டமிட்டிருந்த நிலையில், தணிக்கைக் குழுவின் தாமதம் மற்றும் பல்வேறு காரணங்களால் வெளியீடு தள்ளிப்போனது.
இதற்கிடையில் அரசியல் களத்தில் இறங்கி முதலமைச்சராகப் பொறுப்பேற்ற விஜய்யின் இத்திரைப்படம், அனைத்துச் சட்டப் போராட்டங்களையும் கடந்து திரைக்கு வந்துள்ளது.
“Chief Minister Vijay” / “முதலமைச்சர் விஜய்” என்னும் டைட்டில் கார்டுடன் வெளியான இத்திரைப்படம், தமிழக வரலாற்றில் எம்.ஜி.ஆருக்குப் பின் முதலமைச்சரான ஒரு நடிகரின் படம் திரையரங்குகளில் வெளியாகும் அரிதான தருணத்தைப் பதிவு செய்துள்ளது.
