Author: globaleye24x7.com

ராமநாதபுரம்: தமிழக சட்டப்பேரவைத் தேர்தலை முன்னிட்டு புதிய அரசியல் கட்சியைத் தொடங்கியதாக வி.கே. சசிகலா அறிவித்துள்ளார். முன்னாள் முதல்வர் ஜெயலலிதா பிறந்தநாளை முன்னிட்டு நடைபெற்ற பொதுக்கூட்டத்தில் இந்த அறிவிப்பை வெளியிட்டார். “தமிழக மக்களை நான் ஏமாற்ற மாட்டேன். பேசாமல் இருப்பது தொண்டர்களுக்கும் மக்களுக்கும் துரோகம் ஆகிவிடும். அதனால் தீர்க்கமான முடிவை எடுத்துள்ளேன். தமிழகத்திற்காக ஒரு புதிய திராவிடக் கட்சியை ஆரம்பிக்கிறோம்” என்று சசிகலா தெரிவித்தார். புதிய கட்சி அண்ணா, எம்.ஜி.ஆர் மற்றும் ஜெயலலிதா வழியில் செயல்படும் எனவும் அவர் கூறினார். கருப்பு, வெள்ளை, சிவப்பு நிறங்களில் மூவரின் உருவம் பொறித்த கட்சிக் கொடியையும் அறிமுகம் செய்தார். கட்சியின் பெயர் விரைவில் அறிவிக்கப்படும் என்றும் தெரிவித்தார். அதிமுக பிளவுகளின் பின்னணி ஜெயலலிதா மறைவுக்குப் பிறகு சசிகலா அதிமுக பொதுச் செயலாளராக இருந்தார். ஆனால் 2017ல் சிறை தண்டனைக்கு பிறகு, கட்சியின் கட்டுப்பாடு எடப்பாடி பழனிசாமி கைக்கு சென்றது. பின்னர் டி.டி.வி. தினகரன் மற்றும்…

டி20 உலகக் கோப்பை சூப்பர் 8 சுற்றில் பாகிஸ்தானை வீழ்த்தி, அரையிறுதிக்கு தகுதி பெற்ற முதல் அணியாக இங்கிலாந்து சாதனை படைத்துள்ளது. 165 ரன்கள் என்ற இலக்கை இங்கிலாந்து அணி 19.1வது ஓவரிலேயே எட்டியது. அதிரடியான சதம் விளாசி அணியை வெற்றிப் பாதைக்கு கொண்டு சென்ற கேப்டன் ஹாரி ப்ரூக், ஆட்ட நாயகன் விருதை கைப்பற்றினார். பெரும் அழுத்தமான சூழ்நிலையிலும் நிதானமாக ஆடிய ப்ரூக், கேப்டன் இன்னிங்ஸ் மூலம் வரலாறு படைத்தார். இந்த வெற்றியால் இங்கிலாந்து அணியின் அரையிறுதி பயணம் உறுதியாகியுள்ளது.

டி20 உலகக் கோப்பையின் ஒரே சீசனில் அதிக சிக்ஸர்கள் விளாசிய வீரர்கள் பட்டியலில், மேற்கிந்தியத் தீவுகள் அணியின் ஷிம்ரன் ஹெட்மயர் முதலிடத்தை எட்டியுள்ளார். அவர் இதுவரை விளாசிய சிக்ஸர் எண்ணிக்கையால், அதே அணியின் நிகோலஸ் பூரன் சாதனையை சமன் செய்துள்ளார். அதிரடி பேட்டிங்கில் தொடர்ச்சியாக மின்னும் ஹெட்மயர், இந்த சீசனில் வினாடிக்கு வினாடி தாக்கத்தை ஏற்படுத்தி வருகிறார். மேற்கிந்தியத் தீவுகள் அணியின் தாக்குதல்மிகு ஆட்டத்துக்கு இது மேலும் வலுசேர்த்துள்ளது.

தமிழகத்தில் இன்று தங்கம் விலையில் மேலும் ஏற்றம் பதிவாகியுள்ளது. நேற்றைய விலையுடன் ஒப்பிடுகையில், சவரனுக்கு ரூ.240 உயர்ந்துள்ளது. சர்வதேச சந்தை மாற்றங்கள் மற்றும் முதலீட்டு தேவைகள் அதிகரித்துள்ளதன் காரணமாக தங்கம் விலை தொடர்ந்து ஏற்றம் காண்கிறது.

சிறப்பு தீவிர திருத்தப் பணிகளுக்குப் பின் வெளியான இறுதி வாக்காளர் பட்டியலில் மாநிலம் முழுவதும் 74,07,207 பேர் நீக்கப்பட்டுள்ளனர். சென்னையில் 29.5% நீக்கம் பதிவான நிலையில், திருப்பூர், கோவை, விழுப்புரம் உள்ளிட்ட பல மாவட்டங்களிலும் கணிசமான மாற்றம் ஏற்பட்டுள்ளது. மாவட்ட வாரியான நீக்கம் மாவட்டம்நீக்கம்%அரியலூர்5,7371.1%கிருஷ்ணகிரி1,06,8106.4%ஈரோடு2,37,19712%தென்காசி97,0307.1%திருப்பூர்4,60,32519%சென்னை11,84,94229.5%கோவை4,88,78115.3%குன்றத்தூர்*1,05,2269.2%கன்னியாகுமரி73,8124.6%சிவகங்கை1,04,3988.6%சேலம்84,9888%விருதுநகர்1,11,8077%பெரம்பலூர்30,9425.3%செங்கல்பட்டு2,44,1238.1%திருவாரூர்75,1977.6%திருப்பத்தூர்4,87,51417.8%தூத்துக்குடி26,5841.8%நீலகிரி37,1276.4%கடலூர்1,64,2087.5%கரூர்22,5752.5%நாகை35,2066.3%திருச்சி2,21,5499.4%காஞ்சிபுரம்1,89,51313.7%தஞ்சை1,27,6516.1%மதுரை2,62,7179.6%நாமக்கல்1,43,3219.8%புதுக்கோட்டை79,6075.8%நெல்லை1,49,94412%திருவள்ளூர்3,73,63210.6%தருமபுரி37,8093%விழுப்புரம்3,30,06517.2%ராமநாதபுரம்74,1996.1%திண்டுக்கல்2,43,48912.7% மொத்த நீக்கம்: 74,07,207

ஈரான் மீது தாக்குதல் நடத்த வேண்டாம் என அமெரிக்க ராணுவ அதிகாரி எச்சரித்ததாக வெளியான தகவலுக்கு அமெரிக்க முன்னாள் அதிபர் டொனால்ட் ட்ரம்ப் மறுப்பு தெரிவித்துள்ளார். “ஈரான் மீதான தாக்குதலை ஜெனரல் டேன் கெய்ன் எதிர்க்கிறார் என்பது 100% தவறானது. அந்த தகவல்கள் முற்றிலும் பொய்யானவை. இறுதி முடிவு எடுக்கும் அதிகாரம் என்னிடமே உள்ளது” என ட்ரம்ப் விளக்கம் அளித்துள்ளார். அமெரிக்காவின் வெளிநாட்டு கொள்கை தொடர்பான விவகாரங்களில் ராணுவ மற்றும் அரசியல் வட்டாரங்களில் பரபரப்பு நிலவிவரும் சூழலில், ட்ரம்பின் இந்த கருத்து கவனம் ஈர்த்துள்ளது.

“சோதனைகள் சூழ்ந்த தருணங்களிலும் அசைக்க முடியாத மனவலிமையுடன் தமிழ்நாட்டை காக்க போராடிய தலைவர் ஜெயலலிதா” என்று அதிமுக பொதுச்செயலாளர் எடப்பாடி பழனிசாமி புகழாரம் சூட்டினார். தமிழக அரசியல் வரலாற்றில் முக்கிய இடம் பெற்ற முன்னாள் முதலமைச்சர் ஜெயலலிதாவின் தலைமையும் தீர்மானங்களும் இன்றும் மக்களால் நினைவுகூரப்படுகின்றன என அவர் குறிப்பிட்டார். சவால்கள் நிறைந்த காலகட்டங்களிலும் தைரியமாக முடிவெடுத்து மாநில நலனை முன்னிறுத்தியவர் ஜெயலலிதா என்றும், அவரின் வழியில் அதிமுக தொடர்ந்து செயல்படும் என்றும் எடப்பாடி பழனிசாமி தெரிவித்தார்.

டி20 உலகக் கோப்பை சூப்பர் 8 சுற்றில் மேற்கிந்தியத் தீவுகள் அணி அதிரடி ஆட்டம் காட்டி, 107 ரன்கள் வித்தியாசத்தில் ஜிம்பாப்வே அணியை வீழ்த்தி பெரும் வெற்றி பெற்றது. இந்த வெற்றியின் மூலம் 5.35 என்ற அசத்தலான நெட் ரன் ரேட்டுடன் குரூப் 1 புள்ளிப் பட்டியலில் முதலிடத்திற்கு முன்னேறியுள்ளது. அதிரடியாக விளையாடி 85 ரன்கள் விளாசிய ஹெட்மயர் ஆட்டநாயகனாக தேர்வு செய்யப்பட்டார். இந்தியா பெரிய சிக்கலில் மே.இ.தீவுகளின் இந்த மிகப்பெரிய வெற்றி இந்திய அணிக்கு பெரும் பின்னடைவாக அமைந்துள்ளது. நெட் ரன் ரேட் அடிப்படையில் இந்தியா கடுமையான பாதிப்பில் உள்ளதால், அரையிறுதி வாய்ப்பு மிகவும் மங்கலாகியுள்ளது. தீர்மானிக்கும் போட்டி இப்போது தென்னாப்பிரிக்கா – மேற்கிந்தியத் தீவுகள் இடையிலான போட்டியே குரூப் 1 இன் தீர்மானிக்கும் ஆட்டமாக பார்க்கப்படுகிறது. அந்த போட்டியின் முடிவே அரையிறுதி அணிகளை உறுதிப்படுத்தும் என கணிக்கப்பட்டுள்ளது. இந்தியாவுக்கு இனி கணக்குப் போட்டி மட்டுமே வழி. பிற அணிகளின்…

கோவை: அகில இந்திய ரியல் எஸ்டேட் கூட்டமைப்பின் (FAIRA) நிறுவனர் மற்றும் தேசிய தலைவர் டாக்டர் ஆ.ஹென்றி, தமிழ்நாடு பதிவுத்துறை தலைவர் திரு. தினேஷ் பொன்ராஜ் ஆலிவர் ஐஏஎஸ் அவர்களுக்கு கோயம்புத்தூர் பொதுமக்களின் நலன் கருதி முக்கிய கோரிக்கை மனு ஒன்றை அனுப்பியுள்ளார்.அதில் அவர் குறிப்பிட்டுள்ளதாவது: “கோவை மண்டலத்தின் மிக முக்கியமான அலுவலகங்களில் ஒன்றான வடவள்ளி சார்-பதிவாளர் அலுவலகம் தற்போது மருதமலை கோவில் அடிவாரத்தில் இயங்கி வருகிறது. நாள்தோறும் நூற்றுக்கணக்கான பொதுமக்கள் கிரையம், ஒப்பந்தம், தானம் உள்ளிட்ட ஆவணப் பதிவுகளுக்காகவும், திருமணப் பதிவுகளுக்காகவும் இந்த அலுவலகத்திற்கு வந்து செல்கின்றனர்.முருகப்பெருமானின் ஏழாம் படை வீடாகப் போற்றப்படும் மருதமலைக்கு நாள்தோறும் ஆயிரக்கணக்கான பக்தர்களும், விசேஷ நாட்களில் லட்சக்கணக்கானோரும் வருகை தருகின்றனர். இதனால் அப்பகுதியில் கடும் போக்குவரத்து நெரிசல் ஏற்படுவதுடன், பாதுகாப்பு கருதி வாகனங்கள் 2 கிலோமீட்டர் தொலைவிலேயே காவல்துறையினரால் தடுத்து நிறுத்தப்படுகின்றன. இதனால் ஆவணப் பதிவு செய்ய வரும் முதியோர்கள், கர்ப்பிணிப் பெண்கள் மற்றும்…

துபாயில் மனிதநேய கலாச்சார பேரவை (MKP) சார்பில் நடைபெற்ற இஃப்தார் நோன்பு துறப்பு நிகழ்ச்சி மற்றும் ‘சட்டசபையில் சமூக நீதி குரல்’ நூல் வெளியீட்டு விழா சிறப்பாக நடைபெற்றது. டேரா துபாய் லேண்ட் மார்க் ஹோட்டலில் நடந்த இந்த நிகழ்ச்சி அரங்கம் நிரம்பியதோடு, வெளியேயும் நூற்றுக்கும் மேற்பட்டோர் திரண்டனர். 2016 முதல் 2021 வரை சட்டமன்றத்தில் ஆற்றிய உரைகளின் தொகுப்பாக வெளிவந்த இந்த நூலை பிளாக் துலிப் குழுமத்தின் தலைவர் M. முகம்மது யஹ்யா வெளியிட்டார். முதல் பிரதியை ஆரிஃபா கல்வி நிறுவனங்களின் தலைவர் எம். சுல்தானுல் ஆரிப் பெற்றுக் கொண்டார் இரண்டாவது பிரதியை மலேசியாவின் சுபைதா உணவக குழுமத் தலைவர் டத்தோ அப்துல் அஜீஸ், மூன்றாவது பிரதியை TEPA அமைப்பின் தலைவர் டாக்டர் பால் பிரபாகர் பெற்றுக் கொண்டனர். தொடர்ந்து சிங்கப்பூர் ஹவுஸ் நிறுவன உரிமையாளர் அப்துல் மாலிக், திமுக அயலக அணி அமீரக அமைப்பாளர் S.S. மீரான், வெஸ்டர்ன்…