சென்னை: விண்வெளி மற்றும் விமானப் போக்குவரத்து துறையில் உலகளவில் முன்னணி நிறுவனமான போயிங் இந்தியா (Boeing India), சென்னை க்ரோம்பேட்டையில் உள்ள அண்ணா பல்கலைக்கழகத்தின் எம்.ஐ.டி (MIT Campus) வளாகத்துடன் வரலாற்றுச் சிறப்புமிக்க புரிந்துணர்வு ஒப்பந்தத்தில் (MoU) கையெழுத்திட்டுள்ளது.
இதன் மூலம் இந்தியாவில் உயர்கல்வி நிறுவனத்தில் அமைக்கப்படும் முதலாவது ‘எரிதன்மை அறிவியல் ஆய்வகம்’ (Flammability Learning Laboratory) சென்னை எம்.ஐ.டி வளாகத்தில் உருவாகிறது.
ஒப்பந்தத்தின் முக்கிய சிறப்பம்சங்கள்:
- எரிதன்மை அறிவியல் & பாதுகாப்பு (Flammability Science & Safety): விண்வெளித் துறையில் பயன்படுத்தப்படும் பொருட்கள் மற்றும் சாதனங்களின் தீப்பிடிக்கும் தன்மை, பாதுகாப்பு தரம் மற்றும் வெப்பத்தைத் தாங்கும் திறன் குறித்த மேம்பட்ட ஆராய்ச்சிகள் இமையத்தில் மேற்கொள்ளப்படும்.
- போயிங் நிறுவனத்தின் பங்களிப்பு: இந்த அதிநவீன ஆய்வகத்திற்குத் தேவையான மேம்பட்ட ஆராய்ச்சி சாதனங்கள் மற்றும் கருவிகளை போயிங் நிறுவனம் வழங்குகிறது.
- நேரடிச் செய்முறைப் பயிற்சி: மாணவர்கள் மற்றும் ஆராய்ச்சியாளர்கள் தொழில்துறைக்குத் தேவையான நடைமுறைப் பயிற்சிகளையும், போயிங் வல்லுநர்களின் நேரடி வகுப்புகள் மற்றும் வழிகாட்டுதல்களையும் பெற முடியும்.
- சர்வதேசத் தரம்: சர்வதேச விமானப் போக்குவரத்து பாதுகாப்பு விதிகளுக்கு உட்பட்டு பொருட்கள் உற்பத்தி செய்யப்படுவதை உறுதிசெய்யும் திறன்களை இம்மையம் மேம்படுத்தும்.
தமிழகத்தில் விண்வெளித் துறை ஆராய்ச்சி மற்றும் தொழில்சார்ந்த வேலைவாய்ப்புகளைப் பெருக்கும் நோக்கில் இந்த நடவடிக்கை மிக முக்கிய மைல்கல்லாகப் பார்க்கப்படுகிறது.
