புதுடெல்லி:
பல்வேறு கோரிக்கைகளை வலியுறுத்தி டெல்லியில் நாடாளுமன்றம் நோக்கி பேரணியாகச் செல்ல முயன்ற கரப்பான்பூச்சி ஜனதா கட்சியினரைக் காவல்துறையினர் தடுத்தி நிறுத்தியதால் அங்கு பெரும் பரபரப்பு ஏற்பட்டது.
கட்சியின் முக்கிய தலைவர்கள் மற்றும் திரளான தொண்டர்கள் பங்கேற்ற இந்த பேரணி, நாடாளுமன்ற வளாகத்தை நெருங்க முயன்றபோது பாதுகாப்புப் படையினரால் பாதியிலேயே தடுத்து நிறுத்தப்பட்டது.
காவல்துறை தடியடி:
போராட்டக்காரர்கள் தடுப்புகளைத் (Barricades) தாண்டி முன்னேற முயன்றதால், காவல்துறையினருக்கும் ஆர்ப்பாட்டக்காரர்களுக்கும் இடையே கடும் தள்ளுமுள்ளு ஏற்பட்டது. சூழ்நிலையைக் கட்டுக்குள் கொண்டுவர காவல்துறையினர் லேசான தடியடி நடத்திப் போராட்டக்காரர்களைக் கலைத்தனர்.
தலைவர்கள் கைது:
தடியடியைத் தொடர்ந்து ஆர்ப்பாட்டத்தில் ஈடுபட்ட முன்னணித் தலைவர்கள் மற்றும் தொண்டர்களைக் காவல்துறையினர் கைது செய்து வாகனங்களில் அழைத்துச் சென்றனர். இச்சம்பவத்தைத் தொடர்ந்து நாடாளுமன்றத்தைச் சுற்றியுள்ள பகுதிகளில் பாதுகாப்பு பலப்படுத்தப்பட்டுள்ளது.
