வானில் பறக்கும் சாதனனை! – பெண்களுக்கான கட்டணமில்லா ட்ரோன் விமானி பயிற்சி மற்றும் மானியத்துடன் கூடிய ‘வெற்றி வான்மகள் திட்டம்’ தொடக்கம்!

செய்திச் சுருக்கம் & முக்கிய குறிப்புகள்

வேளாண் மற்றும் உழவர் நலத்துறை சார்பில், வேளாண்மைப் பொறியியல் துறையின் கீழ் பெண்களின் பொருளாதார மேம்பாட்டிற்காக “வெற்றி வான்மகள் திட்டம்” அறிவிக்கப்பட்டுள்ளது. இதன் சிறப்பம்சங்கள்:

• கட்டணமில்லா பயிற்சி: 100% அரசு நிதியுதவியுடன், தமிழ்நாடு வேளாண்மைப் பல்கலைக்கழகத்தின் கட்டுப்பாட்டிலுள்ள தொலைநிலை விமானி பயிற்சி அமைப்பில் (RPTO) இலவச ட்ரோன் விமானி பயிற்சி அளிக்கப்படும்.
• பயிற்சி விவரங்கள்: 100 மகளிர் உள்பட மொத்தம் 500 பயனாளிகளுக்கு இம்முறை பயிற்சி வழங்கப்படுகிறது. இதில் 8 நாட்கள் தங்குமிடம் மற்றும் உணவு வசதியுடன் கூடிய முழுநேர சிறப்புப் பயிற்சி வழங்கப்படுகிறது.
• உரிமம் (License): பயிற்சியை வெற்றிகரமாக நிறைவு செய்பவர்களுக்கு அதிகாரப்பூர்வ தொலைநிலை விமானி உரிமம் (Remote Pilot Licence) வழங்கப்படும்.
• தகுதி வரம்பு:
  • 18 வயதுக்குக் குறையாமலும், 65 வயதுக்கு மிகாமலும் இருத்தல் வேண்டும்.
  • அங்கீகரிக்கப்பட்ட கல்வி வாரியத்தால் நடத்தப்படும் 10-ஆம் வகுப்பு தேர்வு அல்லது அதற்கு இணையான தேர்வில் தேர்ச்சி பெற்றிருக்க வேண்டும்.
• சிறப்பு வேளாண் டிரோன் மானியம்:
  • பயிற்சியை நிறைவு செய்து உரிமம் பெறும் 50 பெண்களுக்கு வேளாண் டிரோன்கள் வாங்க அதிகபட்சமாக 50% அல்லது ரூ. 5.00 லட்சம் வரை மானியம் வழங்கப்படும்.
  • ஆதிதிராவிடர் மற்றும் பழங்குடியினர் வகுப்பைச் சேர்ந்த சிறு, குறு பெண் விவசாயிகளுக்கு 20% கூடுதல் மானியம் வழங்கப்படும்.
• விண்ணப்பிக்க: அறிவிப்பில் உள்ள QR குறியீட்டைச் ஸ்கேன் செய்து எளிதாக விண்ணப்பிக்கலாம். J

#VetriVanmagal #AgricultureDepartment #AgriEngineering #DroneTraining #WomenEmpowerment #TamilNaduGovernment #TNNews