சென்னை (30.07.2026):
பசிபிக் பெருங்கடலின் வெப்பநிலை அதிகரிப்பால் உருவாகும் எல் நினோ (El Niño) காலநிலை மாற்ற நிகழ்வை எதிர்கொள்ளவும், அதன் பாதிப்புகளில் இருந்து மாநிலத்தைப் பாதுகாக்கவும் “தமிழ்நாடு பேரிடர் அபாயக் குறைப்பு முகமை” (TNDRRA) கீழ் சிறப்பு நிபுணர் ஆலோசனைக் குழுவை அமைக்க மாண்புமிகு தமிழ்நாடு முதலமைச்சர் திரு. ச. ஜோசப் விஜய் அவர்கள் உத்தரவிட்டுள்ளார்.
📌 பின்னணி & சவால்கள்:
- 🌡️ தீவிர எல் நினோ எச்சரிக்கை: வானிலை ஆய்வுகளின்படி, 2026-ஆம் ஆண்டில் தீவிர எல் நினோ (Strong / Super El Niño) உருவாக வாய்ப்புள்ளதால், தென்மேற்குப் பருவமழை பொய்க்கவும், வடகிழக்குப் பருவமழைக் காலத்தில் அதிக மழை மற்றும் வெள்ளப் பெருக்கு ஏற்படவும் வாய்ப்புள்ளது.
- 🛡️ முன்னெச்சரிக்கை நடவடிக்கை: பாதிப்புகளை அறிவியல்பூர்வமாகக் கணித்து, மக்களின் உயிர், வாழ்வாதாரம் மற்றும் உள்கட்டமைப்புகளைப் பாதுகாக்க இக்குழு அமைக்கப்பட்டுள்ளது.
👥 ஆலோசனைக் குழுவில் இடம்பெற்றுள்ள நிபுணர்கள்:
இக்குழுவில் காலநிலை மாற்றம், பேரிடர் மேலாண்மை மற்றும் சுற்றுச்சூழல் துறையைச் சேர்ந்த பின்வரும் நிபுணர்கள் இடம்பெற்றுள்ளனர்:
- பேராசிரியர் எஸ்.கண்மணி – தலைவர், காலநிலை மாற்றம் மற்றும் பேரிடர் மேலாண்மை மையம் (CCCDM), அண்ணா பல்கலைக்கழகம்.
- திரு. பாலாஜி நரசிம்மன் – பேராசிரியர், நீரியல் மற்றும் நீர் வளப் பொறியியல் ஆய்வுக்கூடம், ஐ.ஐ.டி மெட்ராஸ் (IIT Madras).
- திரு. அறிவுடை நம்பி அப்பாத்துரை – இயக்குநர், காலநிலை மீள்திறன் பிரிவு, WRI இந்தியா.
- பேராசிரியர் டாக்டர் ரமேஷ் ராமச்சந்திரன் – ஆலோசகர், தமிழ்நாடு பசுமை காலநிலை நிறுவனம் (TNGCC).
- டாக்டர் ஆர்.வெங்கடேசன் – நிபுணர் உறுப்பினர், மாநில சுற்றுச்சூழல் மதிப்பீட்டுக் குழு மற்றும் TNMRF.
- டாக்டர் ஜே.கே. பேட்டர்சன் எட்வர்ட் – இயக்குநர், சுகந்தி தேவதாசன் கடல்சார் ஆராய்ச்சி நிறுவனம் (SDMRI).
- திரு. ஆர். பிரதீப் ஜான் – மூத்த மேலாளர், தமிழ்நாடு நகர்ப்புற உள்கட்டமைப்பு நிதி சேவைகள் நிறுவனம் (TNUIFSL).
💡 குழுவின் முக்கியப் பணிகள்:
- 🌧️ கண்காணிப்பு: மாநிலத்தின் மழைப்பொழிவு மற்றும் வறட்சி நிலவரங்களைத் தொடர்ந்து கண்காணித்தல்.
- 🎯 பாதிப்புப் பகுதிகள் அடையாளம் காணல்: வெள்ளம் மற்றும் வறட்சியால் பாதிக்கப்படக்கூடிய பகுதிகளை முன்னரே கண்டறிந்து எச்சரிக்கை அமைப்புகளை வலுப்படுத்துதல்.
- 📝 அறிவியல் பரிந்துரைகள்: பேரிடர்களை எதிர்கொள்ள மாநில அரசின் தயார்நிலையை மேம்படுத்த அறிவியல் அடிப்படையிலான ஆலோசனைகளை வழங்குதல்.
