புதுடெல்லி: மத்திய அரசு நடத்திய நிதி ஆயோக் (NITI Aayog) கூட்டத்தில் பங்கேற்பதற்காக டெல்லி சென்றுள்ள தமிழக முதல்வர் விஜய், இன்று இரவு பிரதமர் நரேந்திர மோடி அளிக்கும் சிறப்பு இரவு விருந்தில் பங்கேற்கிறார்.
டெல்லியில் நடைபெற்ற நிதி ஆயோக் கூட்டத்தில் நாட்டின் பல்வேறு மாநிலங்களைச் சேர்ந்த முதலமைச்சர்கள் மற்றும் யூனியன் பிரதேசங்களின் ஆளுநர்கள் கலந்து கொண்டனர். இக்கூட்டத்தில் தமிழகத்தின் சார்பில் முதல்வர் விஜய் பங்கேற்று, மாநிலத்தின் முக்கியத் திட்டங்கள் மற்றும் நிதித் தேவைகள் குறித்து ஆலோசித்தார்.
பிரதமரின் கௌரவ விருந்து: நிதி ஆயோக் கூட்டத்தில் பங்கேற்ற தலைவர்களைக் கௌரவிக்கும் விதமாக, பிரதமர் நரேந்திர மோடி இன்று இரவு புதுடெல்லியில் சிறப்பு இரவு விருந்து ஒன்றிற்கு ஏற்பாடு செய்துள்ளார். இந்த விருந்தில் பங்கேற்பதற்காக, தமிழக முதல்வர் விஜய் தங்கியிருக்கும் இடத்தில் இருந்து சற்று நேரத்தில் விழா நடைபெறும் இடத்திற்குப் புறப்பட்டுச் செல்கிறார்.
பிரதமரின் இந்த இரவு விருந்தின் போது, நாட்டின் பல்வேறு மாநில முதலமைச்சர்களுடன் முதல்வர் விஜய் சுமுகமாக உரையாட வாய்ப்புள்ளதால், இந்தச் சந்திப்பு அரசியல் மற்றும் நிர்வாக ரீதியாக முக்கியத்துவம் வாய்ந்ததாகப் பார்க்கப்படுகிறது.
