சென்னை: திராவிட முன்னேற்றக் கழகத்தில் (தி.மு.க) அமைப்பு ரீதியான மாவட்டங்களின் எண்ணிக்கையை 110-ஆக உயர்த்தி சமீபத்தில் செயற்குழுவில் தீர்மானம் நிறைவேற்றப்பட்ட நிலையில், அதற்கான புதிய மாவட்டங்களின் எல்லைப் பட்டியல் மற்றும் விவரங்களைச் கழகத் தலைவர் மு.க. ஸ்டாலின் விரைவில் வெளியிடத் திட்டமிட்டுள்ளார்.
கட்சிப் பணிகளை மேலும் துரிதப்படுத்தவும், நிர்வாக வசதிக்காகவும் இந்த அதிரடி மாற்றங்கள் செய்யப்பட்டுள்ளன.
செயற்குழு தீர்மானத்தின் முக்கிய அம்சங்கள்:
- 110 மாவட்டங்கள்: தற்போதுள்ள மாவட்டங்கள் மறுசீரமைக்கப்பட்டு, தோராயமாக இரண்டு சட்டமன்றத் தொகுதிகளுக்கு ஒரு மாவட்டம் என்ற அடிப்படையில் மொத்தம் 110 கழக மாவட்டங்களாகப் பிரிக்கப்படவுள்ளன.
- வயது வரம்பு மற்றும் பதவிக்காலம்: கட்சிப் பதவிகளுக்கு வயது வரம்பு நிர்ணயிக்கப்பட்டுள்ளது. அதன்படி, மாவட்டச் செயலாளர் பதவிக்கு அதிகபட்ச வயது 70 எனவும், ஒருவர் அதிகபட்சமாக 3 முறை மட்டுமே அப்பதவியில் நீடிக்க முடியும் என்றும் வரையறுக்கப்பட்டுள்ளது. கிளை, வட்ட மற்றும் ஒன்றிய அளவிலான நிர்வாகிகளுக்கும் வயது மற்றும் முறை வரம்புகள் விதிக்கப்பட்டுள்ளன.
- 15 நாட்கள் கெடு: தலைவர் மு.க.ஸ்டாலின் மூலமாக புதிய மாவட்டங்களின் எல்லைப் பட்டியல் வெளியிடப்பட்டதும், அடுத்த 15 நாட்களுக்குள் சம்பந்தப்பட்ட மாவட்டங்களில் செயற்குழு கூடி, உள்ளூர் அமைப்புகளை வழிமுறைகளின்படி உருவாக்கத் தலைமை உத்தரவிட்டுள்ளது.
