சென்னை:
தமிழக வெற்றிக் கழகத் தலைவரும் நடிகருமான விஜயை இலக்கு வைத்து, நாம் தமிழர் கட்சியின் மாநில ஒருங்கிணைப்பாளர் தியான் மீண்டும் காரசாரமான கருத்துகளைத் தெரிவித்து அரசியல் களத்தில் விவாதத்தைக் கிளப்பியுள்ளார்.
“அரசியல் வேறு.. சினிமா வேறு”
சமீபத்தில் செய்தியாளர்களிடம் பேசிய தியான், தமிழக வெற்றிக் கழகத்தின் செயல்பாடுகள் மற்றும் கட்சியின் அரசியல் நகர்வுகள் குறித்துக் கடுமையாக விமர்சித்தார். “திரைத்துரையில் இருக்கும் புகழை மட்டும் வைத்துக்கொண்டு மக்கள் பிரச்சனைகளில் தெளிவான தொலைநோக்குப் பார்வை இல்லாமல் அரசியலில் தடம் பதிப்பது சாத்தியமில்லை” என்று சாடினார்.
தொடர்ந்து பேசிய அவர், “மக்களுக்கான உண்மையான களப்பணியில் இறங்காமல், தத்துவார்த்த ரீதியான நிலைப்பாட்டை வெளிப்படுத்த தவறினால், வரும் காலத்தில் நிலைமை ரொம்ப அசிங்கமாக போய்விடும்” என எச்சரிக்கும் தொனியில் பேசினார்.
சூடாகும் அரசியல் களம்
ஏற்கனவே விஜய் கட்சி தொடங்கியதில் இருந்தே நாம் தமிழர் கட்சி மற்றும் தமிழக வெற்றிக் கழக நிர்வாகிகளிடையே கருத்து மோதல்கள் நிலவி வரும் சூழலில், தியானின் இந்த பேட்டி அரசியல் வட்டாரத்தில் பெரும் பரபரப்பை ஏற்படுத்தியுள்ளது. இந்த விமர்சனத்திற்கு தமிழக வெற்றிக் கழக தரப்பில் இருந்து விரைவில் பதிலடி கொடுக்கப்படும் என எதிர்பார்க்கப்படுகிறது.
