கல்லீரலைச் சுத்திகரிக்கும் இயற்கை டானிக்: வீட்டிலேயே கொள்ளு துவையல் செய்வது எப்படி?
தென்னிந்தியாவின் பாரம்பரியப் பயறு வகையான கொள்ளு (Horse Gram), புரதச்சத்து மற்றும் இரும்புச்சத்தின் ஊற்று. ஜிம்முக்குச் செல்பவர்கள் முதல் சர்க்கரை நோயாளிகள் வரை அனைவரும் தேடும் ஒரு சூப்பர் ஃபுட் இது. இதில் உள்ள அரிய ஊட்டச்சத்துக்கள் உடலின் தேவையற்ற கொழுப்பைக் கரைப்பதோடு, எலும்புகளையும் இரும்பு போல உறுதிப்படுத்துகின்றன.
கொள்ளு தரும் 8 மேஜிக் நன்மைகள்:
- எடை இழப்பு (Weight Loss): இதில் உள்ள நார்ச்சத்து கெட்ட கொழுப்பைக் குறைக்கும். வளர்சிதை மாற்றத்தை (Metabolism) அதிகரித்து, நீண்ட நேரம் பசி எடுக்காமல் தடுக்கும்.
- நோயெதிர்ப்பு சக்தி: ஆன்டி-ஆக்ஸிடன்ட்டுகள் நிறைந்துள்ளதால், சளி மற்றும் காய்ச்சல் காலங்களில் கொள்ளு ரசம் அருந்துவது உடலுக்கு உடனடி தெம்பைத் தரும்.
- சர்க்கரை நோய் கட்டுப்பாடு: இதன் குறைந்த கிளைசீமிக் குறியீடு (Low GI), இரத்தத்தில் சர்க்கரை அளவு திடீரென உயர்வதைத் தடுக்கிறது.
- சிறுநீரகக் கற்கள்: ஒரு சிறந்த ‘சிறுநீர்ப்பெருக்கி’யாகச் செயல்பட்டு, சிறுநீரகக் கற்களைக் கரைக்கவும், நச்சுக்களை வெளியேற்றவும் சித்த மருத்துவத்தில் இது பரிந்துரைக்கப்படுகிறது.
- கல்லீரல் சுத்திகரிப்பு: கல்லீரலில் தேங்கியுள்ள நச்சுக்களை நீக்கி, சேதமடைந்த திசுக்களை மீளுருவாக்கம் செய்ய உதவுகிறது.
- எலும்பு ஆரோக்கியம்: கால்சியம் மற்றும் பாஸ்பரஸ் நிறைந்துள்ளதால், மூட்டு வலி மற்றும் வாதம் தொடர்பான பிரச்சனைகளுக்குச் சிறந்த தீர்வாகிறது.
சுவையான “கொள்ளு துவையல்” – செய்முறை குறிப்பு:
தேவையானவை: கொள்ளு (1/2 கப்), கடலைப்பருப்பு, உளுத்தம் பருப்பு, வரமிளகாய் (10), பூண்டு (7 பல்), புளி, தேங்காய், பெருங்காயம் மற்றும் உப்பு.
செய்முறை:
- கொள்ளுவை வாணலியில் சிவக்க வறுத்துத் தனியாக வைக்கவும்.
- எண்ணெயில் பருப்புகள், மிளகாய், பூண்டு, புளி மற்றும் தேங்காயைச் சேர்த்து வதக்கவும்.
- ஆறியதும் உப்பு, பெருங்காயம் சேர்த்து முதலில் நீர் விடாமல் அரைத்து, பின் சிறிது நீர் சேர்த்து கொரகொரப்பாக அரைக்கவும்.
- கடுகு, சீரகம், கறிவேப்பிலை தாளித்துக் கொட்டினால் சுவையான கொள்ளு துவையல் தயார்!
