ஆன்லைன் கேமிங் தடை மற்றும் டிஜிட்டல் தளங்களுக்கு மாறும் ரசிகர்கள்; அதிர்ச்சியில் ஒளிபரப்பு நிறுவனங்கள்!
நடப்பு ஐபிஎல் சீசனில் தொலைக்காட்சி மதிப்பீடுகள் (TV Ratings) முன்னெப்போதும் இல்லாத வகையில் சரிவைச் சந்தித்துள்ளன. அதே சமயம், டிஜிட்டல் தளங்களில் (JioHotstar) பார்ப்பவர்களின் எண்ணிக்கை அதிகரித்து வருவது ஒரு புதிய மாற்றத்தைக் காட்டுகிறது.
ஆய்வு முடிவின் முக்கியப் புள்ளிகள்:
- ரேட்டிங் சரிவு: கடந்த 2025-ம் ஆண்டு 4.57 ஆக இருந்த டிவி ரேட்டிங், இந்த ஆண்டு 3.71 ஆகக் குறைந்துள்ளது. இது 18.8% சரிவாகும்.
- பார்வையாளர்கள் எண்ணிக்கை: சராசரி பார்வையாளர்களின் எண்ணிக்கை 10.6 மில்லியனில் இருந்து 7.84 மில்லியனாகக் (சுமார் 26%) குறைந்துள்ளது.
- விளம்பரதாரர்கள் வெளியேற்றம்: கடந்த ஆண்டு 65-க்கும் மேற்பட்ட பிராண்டுகள் தொலைக்காட்சியில் விளம்பரம் செய்த நிலையில், இந்த ஆண்டு அது 45-ஆகக் குறைந்துள்ளது (31% சரிவு).
பார்வையாளர்கள் குறைய முக்கியக் காரணங்கள்:
- ஆன்லைன் கேமிங் தடை (Online Gaming Ban): கடந்த ஆண்டு ஒன்றிய அரசு கொண்டு வந்த ‘ஆன்லைன் கேமிங்’ மீதான கட்டுப்பாடுகள் மற்றும் தடைகள் காரணமாக, ‘ஃபேண்டஸி கிரிக்கெட்’ (Dream11 போன்றவை) விளையாடும் ரசிகர்களின் ஆர்வம் குறைந்துள்ளது. போட்டியில் பணத்தைப் பணயம் வைத்து விளையாடிய கோடிக்கணக்கான ரசிகர்கள், இப்போது வெறும் பார்வையாளர்களாக மட்டும் இருக்க விரும்புவதில்லை என ஆய்வு கூறுகிறது.
- டிஜிட்டல் தளங்களுக்கு மாறுதல் (Shift to Digital): ரசிகர்கள் தங்களுக்குப் பிடித்த நேரத்தில், எங்கு வேண்டுமானாலும் பார்க்கும் வசதி கொண்ட ஓடிடி (OTT) மற்றும் கனெக்டட் டிவி (Connected TV) தளங்களுக்கு அதிகளவில் மாறியுள்ளனர். குறிப்பாக ஜியோஹாட்ஸ்டார் தளத்தில் இந்த ஆண்டு 51.5 கோடிக்கும் அதிகமானோர் போட்டிகளைக் கண்டுள்ளனர்.
- அதிகப்படியான போட்டிகள் (Viewer Fatigue): தொடர்ச்சியாக அதிக ரன்கள் எடுக்கப்படும் ஆடுகளங்கள் மற்றும் 74 போட்டிகள் கொண்ட நீண்ட தொடர் ஆகியவற்றால் ரசிகர்களிடையே ஒருவித சலிப்பு ஏற்பட்டுள்ளதும் ஒரு காரணமாகக் கூறப்படுகிறது.
