சென்னை:
சென்னையில் ஆபரணத் தங்கத்தின் விலை மீண்டும் உயர்ந்துள்ளது நகைப்பிரியர்கள் மற்றும் முதலீட்டாளர்களிடையே கவனத்தைப் பெற்றுள்ளது. வாரத்தின் தொடக்க நாளிலேயே தங்கம் விலை ஏற்றம் கண்டுள்ளது.
சவரன் ரூ.1,05,200-க்கு விற்பனை
சென்னையில் இன்று ஆபரணத் தங்கத்தின் விலை சவரனுக்கு ரூ.120 உயர்ந்து, ஒரு சவரன் ரூ.1,05,200-க்கு விற்பனை செய்யப்படுகிறது.
அதேபோல், கிராமுக்கு ரூ.15 உயர்ந்து, ஒரு கிராம் ஆபரணத் தங்கம் ரூ.13,150-க்கு விற்பனையாகி வருகிறது. சர்வதேச சந்தையில் நிலவும் பொருளாதார மாற்றங்கள் மற்றும் தேவைகளின் அதிகரிப்பே இந்த விலை உயர்வுக்கு முக்கியக் காரணமாகப் பார்க்கப்படுகிறது.
வெள்ளி விலை நிலவரம்
தங்கத்தின் விலை உயர்ந்துள்ள போதிலும், வெள்ளி விலையில் இன்று எவ்வித மாற்றமும் இன்றி நிலையாக உள்ளது.
சென்னையில் ஒரு கிராம் வெள்ளி ரூ.235-க்கும், ஒரு கிலோ வெள்ளி ரூ.2,35,000-க்கும் விற்பனை செய்யப்பட்டு வருகிறது.
