மத்திய அரசின் புதிய அதிரடி விதி: வாகன ஓட்டிகள் கவனிக்க வேண்டிய 5 முக்கிய விஷயங்கள்!
இந்தியாவின் கச்சா எண்ணெய் இறக்குமதியைக் குறைக்கவும், சுற்றுச்சூலைப் பாதுகாக்கவும் மத்திய அரசு நாளை முதல் E20 பெட்ரோலை கட்டாயமாக்குகிறது. அதேசமயம், என்ஜின் பாதுகாப்பைக் கருதி 95 ஆக்டேன் தரத்தையும் அரசு உறுதி செய்துள்ளது.
1. E20 பெட்ரோல் என்றால் என்ன?
இதில் 80% பெட்ரோல் மற்றும் 20% எத்தனால் கலந்திருக்கும். எத்தனால் என்பது கரும்புச் சாறு, சோளம் மற்றும் அழுகிய தானியங்களில் இருந்து தயாரிக்கப்படும் ஒரு உயிரி எரிபொருள் (Bio-fuel). இது புதுப்பிக்கத்தக்கது என்பதால் டாலர் செலவில் இறக்குமதி செய்யப்படும் கச்சா எண்ணெய்யின் தேவையைக் குறைக்கும்.
2. மைலேஜ் குறையுமா? (உண்மை நிலை)
ஆம், இது கசப்பான உண்மை. சுத்தமான பெட்ரோலை விட எத்தனாலில் ஆற்றல் (Energy Density) 30% குறைவு.
- அரசு கணக்கு: மைலேஜ் 1% முதல் 6% வரை குறையலாம்.
- நடைமுறை: பழைய வாகனங்களில் 7% முதல் 10% வரை மைலேஜ் குறைய வாய்ப்புள்ளதாக வாகன வல்லுநர்கள் கூறுகின்றனர். அதாவது, 50 கி.மீ மைலேஜ் தரும் வண்டி 45 கி.மீ தரக்கூடும்.
3. 95 ஆக்டேன் (95 RON) கட்டாயம் – இது எதற்கு?
எத்தனால் கலப்பால் ஏற்படும் என்ஜின் பாதிப்பைத் தடுக்கவே 95 ஆக்டேன் தரம் கட்டாயமாக்கப்பட்டுள்ளது.
- நன்மை: இது பெட்ரோல் என்ஜினுக்குள் சீராக எரிந்து, ‘நாக்கிங்’ (Knocking) எனப்படும் தட்-தட் சத்தத்தைத் தடுக்கும்.
- பாதுகாப்பு: உயர் ஆக்டேன் எரிபொருள் என்ஜின் ஆயுளைப் பாதுகாப்பதோடு, எத்தனால் கலப்பால் குறையும் செயல்திறனைச் ஈடுகட்ட உதவும்.
4. பழைய வாகனங்களுக்குப் பாதிப்பு ஏற்படுமா?
எத்தனால் இயற்கையிலேயே ஈரப்பதத்தை ஈர்க்கும் தன்மை கொண்டது.
- பாதிப்பு: பழைய வாகனங்களில் உள்ள ரப்பர் குழாய்கள் (Tubes), கேஸ்கெட்டுகள் (Gaskets) மற்றும் இரும்பு டேங்குகளில் துருப்பிடித்தல் அல்லது அரிப்பு ஏற்பட வாய்ப்புண்டு.
- தீர்வு: ஏப்ரல் 2023-க்கு பிறகு வாங்கிய வாகனங்கள் ‘E20 Ready’ என்பதால் கவலை வேண்டாம். அதற்கு முந்தைய வாகனங்களை வைத்திருப்போர் ரப்பர் பாகங்களை மாற்றுவது அல்லது ‘E20 Conversion Kits’ பயன்படுத்துவது நல்லது.
5. வாகன ஓட்டிகளுக்கான டிப்ஸ்:
- வண்டியை நீண்ட நாட்கள் (வாரக்கணக்கில்) எடுக்காமல் நிறுத்தி வைக்கக் கூடாது. அப்படிச் செய்தால் எத்தனால் தண்ணீராகப் பிரிந்து என்ஜினைப் பாதிக்கலாம்.
- அடிக்கடி பெட்ரோல் டேங்கைச் சுத்தம் செய்வது நல்லது.
