சென்னை:
தமிழ்நாட்டின் எதிர்கால உள்கட்டமைப்பு மற்றும் மக்கள் நலத்திட்டங்களை மிகச் சரியாகத் திட்டமிடுவதற்கு அடிப்படை ஆதாரமாக விளங்கப்போகும் “மக்கள்தொகை கணக்கெடுப்பு 2027” (Census 2027) பணிகள் இன்று முதல் அதிகாரப்பூர்வமாகத் தொடங்கியுள்ளன.
இதுகுறித்து மாண்புமிகு தமிழ்நாடு முதலமைச்சர் திரு. ச. ஜோசப் விஜய் அவர்கள், தமிழ்நாட்டு மக்களுக்கு மிக முக்கிய விழிப்புணர்வு வேண்டுகோள் ஒன்ற விடுத்துள்ளார். மேலும், இத்திட்டத்தின் கீழ் தங்களது குடும்ப விவரங்களை இணையவழியில் சுய கணக்கெடுப்பு (Self Enumeration) செய்யும் வசதியைப் பயன்படுத்தி, தனது விவரங்களை முதலமைச்சர் முதலாவதாகப் பதிவு செய்து இத்திட்டத்தைத் தொடங்கி வைத்துள்ளார்.
முதலமைச்சரின் முக்கிய செய்தி மற்றும் வேண்டுகோள்:
- திட்டங்களின் அடித்தளம்: “மக்கள்தொகை கணக்கெடுப்பு என்பது வெறும் எண்களின் எண்ணிக்கை அல்ல; நமது மாநிலத்தின் எதிர்கால வளர்ச்சித் திட்டங்களைச் செயல்படுத்துவதற்கான மிக முக்கிய அடித்தளமாகும்” என்று முதலமைச்சர் குறிப்பிட்டுள்ளார்.
- உண்மையான தகவல்கள்: அரசு தீட்டும் திட்டங்கள் தகுதியான அனைத்து மக்களையும் சென்றடைய ஏதுவாக, ஒவ்வொரு குடும்பமும் தங்களது உண்மையான மற்றும் துல்லியமான வாழ்வாதாரத் தகவல்களைக் கணக்கெடுப்பாளர்களிடம் வழங்க வேண்டும்.
- டிஜிட்டல் சுய கணக்கெடுப்பு: பொதுமக்கள் தங்களது இருப்பிடத்திலிருந்தே இணையவழியில் எளிதாகச் சுய கணக்கெடுப்பு (Self Enumeration) செய்துகொள்ளும் வசதி செய்யப்பட்டுள்ளது.
- ரகசியம் காக்கப்படும்: பொதுமக்களால் வழங்கப்படும் அனைத்துத் தனிப்பட்ட தகவல்களும் முற்றிலும் ரகசியமாகப் பாதுகாக்கப்படும் என்பதால் எவ்வித அச்சமுமின்றி அனைவரும் தங்களது விபரங்களைப் பதிவு செய்யலாம்.
“மக்கள் நலனுக்காக மக்கள்தொகை கணக்கெடுப்பு” என்ற உன்னத நோக்கத்துடன் தொடங்கியுள்ள இந்த தேசியப் பணியில், தமிழ்நாட்டு மக்கள் அனைவரும் ஒன்றிணைந்து முழு ஒத்துழைப்பு வழங்கி இதனை வெற்றிகரமாகச் செய்து முடிப்போம் வாரீர்!
