மத்திய குறு, சிறு மற்றும் நடுத்தரத் தொழில் நிறுவனங்கள் அமைச்சகத்தின் (MSME) பெயரில், ‘பிரதமரின் வேலைவாய்ப்பு உருவாக்கும் திட்டத்தின்’ (PMEGP) கீழ் ₹2.99 கோடி கடன் ஒப்புதல் அளிக்கப்பட்டதாக சமூக வலைதளங்களில் பரவி வரும் கடிதம் முற்றிலும் போலியானது (FAKE) என மத்திய அரசின் PIB Fact Check எச்சரித்துள்ளது.
பொதுமக்களை ஏமாற்றிப் பணம் பறிக்கும் நோக்கில் இணையவழி மோசடியாளர்களால் போலி கடிதங்கள் தயாரிக்கப்பட்டு உலா வரச் செய்யப்படுவதாகத் தெரிவிக்கப்பட்டுள்ளது.
📌 PIB Fact Check வெளியிட்ட முக்கியக் தகவல்கள்:
- ❌ அமைச்சகம் மறுப்பு: MSME அமைச்சகம் (@minmsme) சார்பில் இதுபோன்ற எந்தவொரு கடன் ஒப்புதல் கடிதமும் வெளியிடப்படவில்லை.
- 🚫 அதிகாரப்பூர்வ ஆவணம் அல்ல: பரப்பப்படும் கடிதத்தில் உள்ள ஒப்புதல் ஆவணம் PMEGP திட்டத்தின் கீழ் உருவாக்கப்பட்டதோ அல்லது அதன் கடன் வழங்கும் நடைமுறைகளுடன் தொடர்புடையதோ அல்ல.
- 🌐 அதிகாரப்பூர்வ இணையதளம்: MSME திட்டங்கள் மற்றும் PMEGP கடன் குறித்த சரியான தகவல்களைப் பெற அரசு இணையதளத்தை மட்டுமே அணுகவும்: msme.gov.in.
⚠️ எச்சரிக்கை: மத்திய அரசின் திட்டங்கள் குறித்து பரப்பப்படும் சந்தேகத்திற்குரிய தகவல்களை நம்ப வேண்டாம்; எப்போதும் அரசின் அதிகாரப்பூர்வ வலைதளங்கள் மற்றும் சரிபார்க்கப்பட்ட ஆதாரங்களை மட்டுமே நம்புங்கள்.
