இன்ஸ்டாகிராம் போல வாட்ஸ்அப்பிலும் ‘Green Dot’ வசதி! – பயனர்களுக்குக் சூப்பர் அப்டேட்!

ஆன்லைனில் இருப்பவர்களை இனி எளிதாகக் கண்டறியலாம்; மெட்டா நிறுவனத்தின் புதிய அதிரடி வடிவமைப்பு!

சென்னை:

பிரபல குறுந்தகவல் செயலியான வாட்ஸ்அப், தனது பயனர்களின் பயன்பாட்டு அனுபவத்தை எளிமையாக்கும் வகையில் தொடர்ந்து பல்வேறு புதிய அம்சங்களை அறிமுகம் செய்து வருகிறது. அந்த வரிசையில், தற்போது இன்ஸ்டாகிராம் மற்றும் ஃபேஸ்புக் மெசஞ்சர் செயலிகளில் இருப்பதைப் போன்றே, வாட்ஸ்அப்பிலும் பயனர்கள் ஆன்லைனில் இருப்பதை உணர்த்தும் ‘கிரீன் டாட்’ (Green Dot) அம்சத்தை மெட்டா (Meta) நிறுவனம் சோதித்து வருகிறது.

தற்போது ஆண்ட்ராய்டு (v2.26.24.5) மற்றும் ஐஓஎஸ் (v26.26.10.72) ஆகிய இரு தளங்களின் குறிப்பிட்ட பீட்டா (Beta) பயனர்களுக்கு மட்டும் இந்த வசதி சோதனைக் அடிப்படையில் வழங்கப்பட்டுள்ளது.

இந்த புதிய ‘கிரீன் டாட்’ அம்சம் எப்படிச் செயல்படும்?

• புரொஃபைல் பக்கத்தில் மாற்றம்: இதற்கு முன்பு ஒரு பயனர் ஆன்லைனில் இருக்கிறாரா என்பதை அறிய, அவர்களது சாட் (Chat) பக்கத்தைத் திறந்து, பெயருக்குக் கீழே உள்ள ‘online’ என்ற எழுத்தைப் பார்க்க வேண்டியிருந்தது. ஆனால், இனிமேல் அவர்களது புரொஃபைல் படத்தின் (Profile Photo) கீழ் வலது மூலையில் ஒரு சிறிய பச்சைப் புள்ளி (Green Dot) தோன்றும்.
• அப்போதே அப்டேட் ஆகும்: ஒரு பயனர் வாட்ஸ்அப் செயலியைத் திறந்து பயன்படுத்தும் அடுத்த நொடியே இந்த கிரீன் டாட் ஒளிரத் தொடங்கும். அவர் செயலியை மூடிவிட்டு வெளியேறியவுடன் தானாகவே மறைந்துவிடும்.
• தகவல் அறியும் தளம் (Contacts Hub): வாட்ஸ்அப் நிறுவனம் ‘Contacts Hub’ என்ற புதிய பிரத்தியேகப் பக்கத்தை உருவாக்கி வருகிறது. இதன் மூலம், நமது காண்டாக்ட் லிஸ்டில் தற்போது யார் யாரெல்லாம் ஆன்லைனில் இருக்கிறார்கள் என்பதை ஒரே பார்வையில் இந்த கிரீன் டாட் மூலம் பார்த்துத் தெரிந்துகொள்ள முடியும்.

தனியுரிமை (Privacy) பாதிக்கப்படுமா?

வாட்ஸ்அப்பில் இந்த அம்சம் வருவதால் பலரும் தங்களது தனியுரிமை (Privacy) பாதிக்கப்படுமோ என்று அஞ்சுகின்றனர். ஆனால், இதற்காக வாட்ஸ்அப் தெளிவான பாதுகாப்பு விதிகளை வைத்துள்ளது: