சென்னை: பயணிகள் வசதிக்காகவும், கூட்ட நெரிசலைக் குறைப்பதற்காகவும் தென் மாவட்டங்களில் இருந்து சென்னை தாம்பரம் மற்றும் எழும்பூருக்கு இயக்கப்பட்டு வரும் முக்கிய சிறப்பு ரெயில்களின் சேவைகளை ஜூலை மாதம் முழுவதும் நீட்டித்து தெற்கு ரெயில்வே அறிவிப்பு வெளியிட்டுள்ளது.
நீட்டிக்கப்பட்ட சிறப்பு ரெயில்களின் விவரங்கள்:
- நெல்லை – தாம்பரம் சிறப்பு ரயில்கள்:
- நெல்லை – தாம்பரம் (வண்டி எண்: 06166): ஜூலை 5 முதல் 26 வரை (ஒவ்வொரு ஞாயிற்றுக்கிழமையும்) இயக்கப்படும்.
- தாம்பரம் – நெல்லை (வண்டி எண்: 06165): ஜூலை 6 முதல் 27 வரை (ஒவ்வொரு திங்கட்கிழமையும்) இயக்கப்படும்.
- தூத்துக்குடி – தாம்பரம் சிறப்பு ரயில்கள்:
- தூத்துக்குடி – தாம்பரம் (வண்டி எண்: 06018): ஜூலை 6 முதல் 27 வரை (ஒவ்வொரு திங்கட்கிழமையும்) இயக்கப்படும்.
- தாம்பரம் – தூத்துக்குடி (வண்டி எண்: 06017): ஜூலை 7 முதல் 28 வரை (ஒவ்வொரு செவ்வாய்க்கிழமையும்) இயக்கப்படும்.
- நெல்லை – சென்னை எழும்பூர் சிறப்பு ரயில்கள்:
- நெல்லை – சென்னை எழும்பூர் (வண்டி எண்: 06070): ஜூலை 9, 16, 23, 30 ஆகிய தேதிகளில் (வியாழக்கிழமைகள்) இரவு 11:35 மணிக்கு நெல்லையில் புறப்பட்டு அடுத்த நாள் காலை 10:45 மணிக்கு சென்னை எழும்பூர் சென்றடையும்.
- சென்னை எழும்பூர் – நெல்லை (வண்டி எண்: 06069): ஜூலை 10, 17, 24, 31 ஆகிய தேதிகளில் (வெள்ளிக்கிழமைகள்) மதியம் 01:25 மணிக்கு எழும்பூரில் புறப்பட்டு மறுநாள் அதிகாலை 01:00 மணிக்கு நெல்லை சென்றடையும்.
- இதர வழித்தடங்கள்:
- நெல்லை – மேட்டுப்பாளையம்: ஜூலை 5 முதல் 27 வரை வாராந்திர சிறப்பு ரயில்கள் (வண்டி எண்: 06030/06029) இயக்கப்படும்.
- திருச்சி – பெங்களூரு (SMVT): ஜூலை 14, 21, 28 ஆகிய தேதிகளில் சிறப்பு ரயில்கள் (வண்டி எண்: 06007/06008) இயக்கப்படும்.
முக்கிய குறிப்பு: இந்தச் சிறப்பு ரயில்களுக்கான முன்பதிவு ஐஆர்சிடிசி (IRCTC) இணையதளம் மற்றும் ரயில் நிலையங்களில் உள்ள முன்பதிவு மையங்களில் தற்போது தொடங்கியுள்ளது. பயணிகளின் கூட்ட நெரிசலைக் கருத்தில் கொண்டு, கடைசி நேர சிரமத்தைத் தவிர்க்க முன்கூட்டியே டிக்கெட்டுகளைப் பதிவு செய்துகொள்ளுமாறு ரெயில்வே நிர்வாகம் அறிவுறுத்தியுள்ளது.
பயணிகள் தங்கள் பயணத் திட்டத்தை இறுதி செய்வதற்கு முன்பாக, தெற்கு ரெயில்வேயின் அதிகாரப்பூர்வ வலைதளம் அல்லது செயலியில் ரயில்களின் தற்போதைய கால அட்டவணையைச் சரிபார்த்துக் கொள்ளுமாறு கேட்டுக்கொள்ளப்படுகிறார்கள்.
