உடல் சூடானால் செய்ய வேண்டிய முதலுதவிகள் என்ன? – ஒரு விரிவான மருத்துவ வழிகாட்டி!
இயந்திரங்கள் “ஓவர் ஹீட்” ஆனால் எப்படிச் சிம்பல் காட்டுமோ, அதுபோலவே நம் உடலின் வெப்பநிலை அதிகரிக்கும் போது உடல் சில சமிக்ஞைகளைத் தரும். அதை அலட்சியப்படுத்தினால் உயிருக்கே ஆபத்தாக முடியும்.
1. வெப்ப அயர்ச்சி (Heat Exhaustion) – அறிகுறிகள் & தீர்வுகள்:
அதிகப்படியான வியர்வை, தலைச்சுற்றல், குமட்டல் மற்றும் வாந்தி போன்றவை இதன் அறிகுறிகள்.
உடனே செய்ய வேண்டியவை:
- நிழலுக்குச் செல்லுங்கள்: உடனடியாக வெயில் இல்லாத இடத்திற்குச் செல்லவும். வாகனத்தில் சென்றால் ஓரம் கட்டி ஓய்வெடுக்கவும்.
- நீரேற்றம்: குளிர்ந்த நீர், இளநீர், மோர், பழச்சாறுகள் அல்லது தர்பூசணி உட்கொள்ள வேண்டும்.
- உடல் குளிர்ச்சி: குளிர்ந்த நீரில் குளிக்கலாம் (ஷவர் நீர் சூடாக இருக்கிறதா எனச் சரிபார்க்கவும்). அல்லது முகம், கழுத்து பகுதிகளில் குளிர்ந்த நீரை ஊற்றிக் கொள்ளவும்.
- பாதங்கள்: கை மற்றும் பாதங்களை குளிர்ந்த நீரில் அமிழ்த்தி வைப்பதன் மூலம் உடல் வெப்பத்தை விரைவாகத் தணிக்க முடியும்.
2. வெப்ப வாதம் (Heat Stroke) – உயிருக்கு ஆபத்தான நிலை:
வெப்ப அயர்ச்சியை கவனிக்காமல் விட்டால், அது வெப்ப வாதமாக மாறும். இதில் பிதற்றல் நிலை (Confusion) அல்லது மயக்கம் (Fainting) ஏற்படும். இது மரணத்தை உண்டாக்கும் அபாயம் கொண்ட அவசர நிலை.
அவசர கால முதலுதவி:
- சுவாசம் சரிபார்த்தல்: பாதிக்கப்பட்டவர் மூச்சு விடுகிறாரா எனப் பார்க்கவும். மூச்சு இல்லையெனில் உடனடியாக CPR வழங்க வேண்டும்.
- ஐஸ் தண்ணீர் குளியல்: அவரை நிழலுக்குக் கொண்டு சென்று, ஆடைகளைக் களைந்துவிட்டு, 15 டிகிரி செல்சியசுக்கும் குறைவான ஐஸ் தண்ணீர் தொட்டியில் கழுத்து வரை அமிழ்த்தி வைக்க வேண்டும். (ஒவ்வொரு 5 நிமிடத்திற்கும் 1 டிகிரி உடல் வெப்பம் குறையும்).
- மாற்று வழி: ஐஸ் தண்ணீர் இல்லையெனில், குளிர்ந்த நீரில் நனைத்த துணியால் உடல் முழுவதையும் ஒத்தி எடுக்க வேண்டும். விசிறி அல்லது மின்விசிறி மூலம் காற்று வீசச் செய்ய வேண்டும்.
- ORS திரவம்: நோயாளி பருகும் நிலைக்கு வந்தவுடன் குளிர்ந்த நீர் அல்லது ORS திரவம் வழங்க வேண்டும்.
- மருத்துவமனை: உடனடியாக அருகில் உள்ள மருத்துவமனைக்கு அழைத்துச் சென்று நரம்பு வழியாக (IV Fluids) திரவங்கள் ஏற்றப்பட வேண்டும்.
