காட்டுமன்னார்கோவிலில் திருமாவளவன் போட்டி: வன்னியரசு, சிந்தனை செல்வன் உள்ளிட்ட 8 பேர் பட்டியல் இதோ!
2026 தமிழகச் சட்டமன்றத் தேர்தலில் திமுக கூட்டணியில் 8 தொகுதிகளைப் பெற்றுள்ள விடுதலைச் சிறுத்தைகள் கட்சி, தனது வேட்பாளர்களை இன்று அறிவித்துள்ளது. இதில் முக்கிய அறிவிப்பாக, கட்சியின் தலைவர் தொல். திருமாவளவன் காட்டுமன்னார்கோவில் தொகுதியில் போட்டியிடுகிறார். கட்சியின் துணைப் பொதுச்செயலாளர் வன்னியரசு திண்டிவனம் தொகுதியிலும், சிந்தனை செல்வன் செய்யூர் தொகுதியிலும் களம் காண்கின்றனர். விசிக இம்முறை தனது தனிச் சின்னமான ‘பானை’ சின்னத்திலேயே அனைத்து 8 தொகுதிகளிலும் போட்டியிடுகிறது. கடந்த தேர்தல்களில் திமுக சின்னத்தில் போட்டியிட்ட விசிக, இந்த முறை தனி அடையாளத்துடன் களம் இறங்குவது அரசியல் வட்டாரத்தில் பெரும் எதிர்பார்ப்பை ஏற்படுத்தியுள்ளது. குறிப்பாக, பண்ருட்டி தொகுதியில் மனிதநேய மக்கள் கட்சியிலிருந்து விலகி இணைந்த அப்துல் ரகுமான் வேட்பாளராக அறிவிக்கப்பட்டுள்ளார்.
விசிக-வின் 8 தொகுதிகள் மற்றும் வேட்பாளர்கள் முழுப் பட்டியல்:
| வ.எண் | தொகுதி | வேட்பாளர் பெயர் |
| 1 | காட்டுமன்னார்கோவில் (SC) | தொல். திருமாவளவன் |
| 2 | திண்டிவனம் (SC) | வன்னியரசு |
| 3 | செய்யூர் (SC) | சிந்தனை செல்வன் |
| 4 | திருப்போரூர் | பன்னீர்தாஸ் |
| 5 | பெரியகுளம் (SC) | ஆற்றல் அரசு |
| 6 | கள்ளக்குறிச்சி (SC) | மாலதி |
| 7 | அரக்கோணம் (SC) | எழில் கரோலின் |
| 8 | பண்ருட்டி | அப்துல் ரகுமான் |
