இந்தியாவின் ஒவ்வொரு மாவட்டத்திலும் தனித்துவமிக்க பல தயாரிப்புகள், பாரம்பரியத் திறமைகள் மற்றும் சிறப்பான சேவைகள் நிறைந்துள்ளன. இவற்றின் சர்வதேசச் சந்தை ஆற்றலை முழுமையாகப் பயன்படுத்தும் நோக்கில், ஒன்றிய அரசின் ‘மாவட்டங்கள் ஏற்றுமதி மையங்கள்’ (Districts as Export Hubs – DEH) முன்முயற்சி தீவிரமாகச் செயல்படுத்தப்பட்டு வருகிறது.
இத்திட்டத்தின் மூலம் உள்ளூர் அளவிலான உற்பத்தித் திறன்களைக் கண்டறிந்து, சிறு மற்றும் நடுத்தர தொழில் நிறுவனங்களை (MSMEs) வலுப்படுத்தி, அவற்றை நேரடியாகச் சர்வதேச சந்தைகளுடன் இணைக்கும் பணிகள் முடுக்கிவிடப்பட்டுள்ளன.
📌 திட்டத்தின் முக்கிய நோக்கங்கள் & சிறப்பம்சங்கள்:
- 🏬 உள்நாட்டு பலம் – உலகளாவிய வாய்ப்பு: ஒவ்வொரு மாவட்டத்தின் தனித்துவமான பாரம்பரியப் பொருட்கள் மற்றும் தொழிற்துறைத் தயாரிப்புகளைக் கண்டறிந்து ஏற்றுமதிக்கு ஏற்றவாறு தரம் உயர்த்துதல்.
- 🏭 உள்ளூர் நிறுவனங்களுக்கு ஊக்கம்: மாவட்ட அளவில் இயங்கும் சிறு, குறு மற்றும் நடுத்தரத் தொழில் நிறுவனங்கள், கைவினைஞர்கள் மற்றும் விவசாயிகள் ஏற்றுமதி வணிகத்தில் நேரடியாக ஈடுபட வழிகாட்டுதல்.
- 🌐 சர்வதேச சந்தை இணைப்பு: ஏற்றுமதிச் சட்ட திட்டங்கள், சந்தைப்படுத்தல் (Marketing), மற்றும் உள்கட்டமைப்பு வசதிகளை ஏற்படுத்தித் தந்து சர்வதேச சந்தைகளுடன் இணைப்பது.
- 🎯 வளர்ச்சியடைந்த (Viksit Bharat): மாவட்டங்கள் தோறும் ஏற்றுமதியை அதிகரிப்பதன் மூலம் உள்ளூர் வேலைவாய்ப்புகளை உருவாக்கி, இந்தியாவின் பொருளாதார வளர்ச்சியைப் பரவலாக்குதல்.
