அரசு நிகழ்ச்சிகளில் தமிழ்த்தாய் வாழ்த்தைக் கடைசியில் பாட வேண்டும் என்று கட்டாயப்படுத்தவில்லை என்றும், தங்களின் அறிவிப்பாணையில் வந்தே மாதரம் மற்றும் தேசிய கீதம் இடம்பெறும் வரிசை மட்டுமே குறிப்பிடப்பட்டுள்ளதாகவும் மத்திய அரசு சென்னை உயர்நீதிமன்றத்தில் விளக்கம் அளித்துள்ளது.
அரசு மற்றும் ஆளுநர் பங்கேற்கும் மாநில நிகழ்வுகளில் தமிழ்த்தாய் வாழ்த்துப் பாடலை முதன்மையாகப் பாட உத்தரவிடக் கோரி தொடரப்பட்ட வழக்கில், மத்திய உள்துறை அமைச்சகத்தின் சார்பில் தாக்கல் செய்யப்பட்ட பதில் மனுவில் தெரிவிக்கப்பட்டுள்ளதாவது:
- அறிவிப்பாணை விளக்கம்: “மத்திய அரசு வெளியிட்ட அறிவிப்பாணையில், நிகழ்வுகளில் முதலில் ‘வந்தே மாதரம்’ பாடலும், அதைத் தொடர்ந்து ‘தேசிய கீதமும்’ பாடப்பட வேண்டும் என்று மட்டுமே சுட்டிக்காட்டப்பட்டுள்ளது.
- கட்டாயப்படுத்தவில்லை: மாநிலத்தின் தாய்மொழி வாழ்த்துப் பாடலான தமிழ்த்தாய் வாழ்த்தைக் கடைசியாகத்தான் பாட வேண்டும் என்று நாங்கள் எந்த இடத்திலும் வற்புறுத்தவோ அல்லது கட்டாயப்படுத்தவோ இல்லை”
என்று மத்திய அரசுத் தரப்பில் விளக்கம் அளிக்கப்பட்டுள்ளது.
