கோவை ரேஸ்கோர்ஸ்
சாலையில் அமைந்துள்ள
தாஜ் விவாண்டா ஹோட்டலில்,
( CII ) Confederation of Indian Industry பொருளாதார முதலீடு ஈர்ப்பு நிகழ்ச்சிக்கு, சிறப்பு விருந்தினராக,
மலேசிய நாட்டின் பினாங்கு மாகாணத்தின் துணை முதல்வர் மாண்புமிகு திரு.
Y B ஜெகதீப் சிங் டியோ அவர்கள் கலந்து கொண்டார்.
இந்த தொழில் முதலீடு நிகழ்ச்சியில், அகில இந்திய ரியல் எஸ்டேட் கூட்டமைப்பின் தேசிய தலைவர் டாக்டர் ஆ.ஹென்றி அவர்களின் ஆலோசனையின் பேரில், FAIRA தொழில் நுட்ப பிரிவின் மாநில செயலாளர்
திரு. பெயிரா பாண்டி ஆகிய நானும், தூத்துக்குடி மாவட்ட ஒருங்கிணைப்பாளர்
திரு.Er. E. பவுல் அனா அவர்களும், மற்றும் கோவை மாவட்ட அமைப்பாளர் திரு. K. பிரபு அவர்களும், FAIRA சார்பாக நேரில் சந்தித்து மரியாதை நிமித்தமாக கலந்துரையாடினோம்.
இந்த சந்திப்பின்போது, தமிழ்நாடு மற்றும் மலேசியாவின் பினாங்கு மாநிலத்திற்கிடையேயான பொருளாதார, தொழில் மற்றும் முதலீட்டு ஒத்துழைப்பை மேலும் வலுப்படுத்துவது குறித்து விரிவான ஆலோசனைகள் மேற்கொள்ளப்பட்டன.
குறிப்பாக,
தமிழகத்தில் தொழில் முதலீடுகளை ஈர்ப்பதற்கான வாய்ப்புகள்
உற்பத்தித் துறை, கட்டுமானத் துறை மற்றும் ரியல் எஸ்டேட் துறைகளில் சர்வதேச முதலீட்டு வாய்ப்புகள்
மலேசியா பினாங் மாநிலத்தில் இந்திய மற்றும் தமிழ் தொழில் முனைவோர்கள் முதலீடு செய்வதற்கான சாத்தியக்கூறுகள்
தொழில்நுட்பம், உள்கட்டமைப்பு மற்றும் நகர்ப்புற மேம்பாட்டுத் திட்டங்களில் இருதரப்பு ஒத்துழைப்பு
வெளிநாடு வாழ் தமிழர்களின் முதலீட்டு பங்களிப்பை அதிகரிக்கும் வழிமுறைகள்
இந்தியா – மலேசியா வர்த்தக மற்றும் முதலீட்டு உறவுகளை மேம்படுத்தும் புதிய முயற்சிகள்
ஆகியவை தொடர்பாக ஆக்கப்பூர்வமான கருத்துப் பரிமாற்றம் நடைபெற்றது.
அகில இந்திய ரியல் எஸ்டேட் கூட்டமைப்பின் சார்பில், தமிழ்நாட்டில் நிலவி வரும் தொழில் முதலீட்டு சூழல், கட்டுமானத் துறையின் வளர்ச்சி, நகர்ப்புற விரிவாக்கம், உள்கட்டமைப்பு மேம்பாட்டு திட்டங்கள் மற்றும் சர்வதேச முதலீட்டாளர்களுக்கு தமிழ்நாடு வழங்கும் வாய்ப்புகள் குறித்து விளக்கமாக எடுத்துரைக்கப்பட்டது.
மேலும், பினாங் மாநிலத்தின் தொழில் வளர்ச்சி, முதலீட்டாளர் நட்பு கொள்கைகள், உற்பத்தி மற்றும் சேவைத் துறைகளில் உள்ள வாய்ப்புகள் குறித்து துணை முதலமைச்சர் அவர்கள் விரிவாக பகிர்ந்து கொண்டார்.
இந்த சந்திப்பு, தமிழ்நாடு மற்றும் மலேசியா இடையேயான பொருளாதார உறவுகளை மேலும் வலுப்படுத்துவதற்கும், எதிர்காலத்தில் தொழில் மற்றும் முதலீட்டு துறைகளில் புதிய ஒத்துழைப்பு வாய்ப்புகளை உருவாக்குவதற்கும் முக்கியமானதாக அமைந்தது.
“உலகளாவிய முதலீட்டு வாய்ப்புகளை தமிழ்நாட்டிற்கு கொண்டு வருவதும், தமிழக தொழில் முனைவோர்களை சர்வதேச முதலீட்டு தளங்களுடன் இணைப்பதும் அகில இந்திய ரியல் எஸ்டேட் கூட்டமைப்பின் முக்கிய நோக்கங்களில் ஒன்றாகும்.”
இந்த சிறப்பான சந்திப்பில் பங்கேற்ற அனைத்து நிர்வாகிகளுக்கும், மதிப்பிற்குரிய துணை முதலமைச்சர் அவர்களுக்கும் மனமார்ந்த நன்றியை தெரிவித்துக் கொள்கிறோம்.
டாக்டர் ஆ. ஹென்றி
நிறுவனர் மற்றும் தேசியத் தலைவர்
அகில இந்திய ரியல் எஸ்டேட் கூட்டமைப்பு (FAIRA)
