உலகப்புகழ் பெற்ற மதுரை சித்திரைத் திருவிழா 2026-க்கான அதிகாரப்பூர்வ கால அட்டவணை வெளியிடப்பட்டுள்ளது. லட்சக்கணக்கான பக்தர்கள் கூடும் இந்த விழாவின் சிகர நிகழ்ச்சியான கள்ளழகர் வைகை ஆற்றில் எழுந்தருளும் நிகழ்வு வரும் மே மாதம் 1-ம் தேதி (வெள்ளிக்கிழமை) நடைபெறும் என அறிவிக்கப்பட்டுள்ளது.
முக்கியத் தேதிகள்: மதுரை மீனாட்சி அம்மன் கோவில் மற்றும் அழகர் கோவில் சித்திரைத் திருவிழாவின் முக்கிய நிகழ்வுகள் பின்வருமாறு:
- ஏப்ரல் 19 (ஞாயிறு): மதுரை மீனாட்சி அம்மன் கோவிலில் சித்திரைத் திருவிழா கொடியேற்றத்துடன் தொடங்குகிறது.
- ஏப்ரல் 26 (ஞாயிறு): மீனாட்சி அம்மன் பட்டாபிஷேகம்.
- ஏப்ரல் 27 (திங்கள்): மீனாட்சி அம்மன் திக்விஜயம்.
- ஏப்ரல் 28 (செவ்வாய்): விழாவின் முக்கிய நிகழ்வான மீனாட்சி – சொக்கநாதர் திருக்கல்யாணம் நடைபெறுகிறது.
- ஏப்ரல் 29 (புதன்): மாசி வீதிகளில் தேரோட்டம் நடைபெறும்.
- ஏப்ரல் 30 (வியாழன்): தல்லாகுளத்தில் கள்ளழகர் ‘எதிர் சேவை’ நிகழ்வு.
- மே 1 (வெள்ளி): அதிகாலை தங்கக் குதிரை வாகனத்தில் கள்ளழகர் வைகை ஆற்றில் எழுந்தருள்கிறார்.
ஏற்பாடுகள் தீவிரம்: இந்த ஆண்டு லட்சக்கணக்கான பக்தர்கள் திரள்வார்கள் என எதிர்பார்க்கப்படுவதால், மதுரை மாநகராட்சி மற்றும் மாவட்ட நிர்வாகம் சார்பில் பாதுகாப்பு மற்றும் அடிப்படை வசதிகளுக்கான ஏற்பாடுகள் இப்போதே முடுக்கிவிடப்பட்டுள்ளன. வைகை ஆற்றில் போதிய அளவு தண்ணீர் திறந்து விடவும், பக்தர்களுக்குத் தேவையான குடிநீர் மற்றும் போக்குவரத்து வசதிகளைச் செய்யவும் நடவடிக்கைகள் மேற்கொள்ளப்பட்டு வருகின்றன.
மதுரை மட்டுமின்றி சுற்றுவட்டார மாவட்டங்களைச் சேர்ந்த மக்களும் இந்த விழாவைக் கொண்டாடத் தயாராகி வருவதால், மதுரை மாநகரமே விழாக்கோலம் பூண்டுள்ளது.
