3-வது இடத்தைப் பிடிக்கும் தவெக; 4 முனைப் போட்டியில் முந்துவது யார்?
தமிழக சட்டமன்றத் தேர்தல் வரும் வியாழக்கிழமை நடைபெறவுள்ள நிலையில், ஐபிடிஎஸ் (IPDS) அமைப்பு நடத்திய தேர்தலுக்கு முந்தைய கருத்துக்கணிப்பு முடிவுகள் வெளியாகியுள்ளன. 35,000-க்கும் மேற்பட்டோரிடம் நடத்தப்பட்ட இந்த ஆய்வில், திமுக கூட்டணி 138 இடங்களைக் கைப்பற்றி மீண்டும் ஆட்சியைத் தக்கவைக்கும் எனத் தெரிவிக்கப்பட்டுள்ளது.
இந்தத் தேர்தலில் அதிமுக கூட்டணி 70 இடங்களைப் பிடித்து இரண்டாம் இடத்தையும், நடிகர் விஜய்யின் தமிழக வெற்றி கழகம் (TVK) கணிசமான வாக்குகளைப் பெற்று மூன்றாம் இடத்தையும் பிடிக்கும் என்று கணிக்கப்பட்டுள்ளது. சீமானின் நாம் தமிழர் கட்சி 8.42 சதவீத வாக்குகளைப் பெறும் என இந்த ஆய்வு கூறுகிறது.
விஜய்யின் வருகை வாக்குகளைப் பிரிக்கும் காரணியாக இருக்குமே தவிர, இந்த முறை அவரால் வெற்றியைப் பெற முடியாது என்பதே கருத்துக்கணிப்பின் சுருக்கமாக உள்ளது. ஆளும் திமுக தனது செல்வாக்கைத் தக்கவைத்துள்ள நிலையில், அதிமுக இழந்த ஆட்சியை மீட்கப் போராடி வருகிறது.
