இன்ஸ்டாகிராம் தளத்தில் 100 மில்லியன் (10 கோடி) ஃபாலோயர்களை பெற்ற முதல் உலகத் தலைவர் என்ற வரலாற்று சாதனையை இந்திய பிரதமர் நரேந்திர மோடி எட்டியுள்ளார். சமூக ஊடகங்களில் அவரது செல்வாக்கு தொடர்ந்து அதிகரித்து வருவதை இந்த மைல்கல் வெளிப்படுத்துகிறது.
ஃபாலோயர் எண்ணிக்கையில், அமெரிக்க முன்னாள் அதிபர் டொனால்ட் ட்ரம்பை விட இருமடங்கு அதிக ஆதரவைப் பெற்றுள்ளார் என்பதும் குறிப்பிடத்தக்கது. உலகத் தலைவர்களில் சமூக ஊடக தாக்கத்தில் முன்னணியில் இருப்பது, டிஜிட்டல் தளங்களில் இந்தியாவின் இருப்பை மேலும் வலுப்படுத்துகிறது.
பிரதமர் மோடியின் பதிவுகள், அரசியல் நிகழ்வுகள், அரசுத் திட்டங்கள், சர்வதேச சந்திப்புகள், கலாச்சார விழாக்கள் உள்ளிட்ட பல்வேறு அம்சங்களை உள்ளடக்கியதாக இருக்கும். இளம் தலைமுறையினரிடையே சமூக ஊடகங்கள் வழியாக நேரடி தொடர்பை ஏற்படுத்தும் அவரது முயற்சி இந்த சாதனையின் முக்கிய காரணமாக பார்க்கப்படுகிறது.
