புதுடெல்லி:
நாட்டின் கிராமப்புறங்கள், பழங்குடியினப் பகுதிகள் மற்றும் வளர்ந்து வரும் மாவட்டங்களில் (Aspirational Districts) திறன்பயிற்சி உள்கட்டமைப்பை விரிவுபடுத்தி, இளைஞர்களின் தொழில் திறனை உயர்த்த மத்திய திறன் மேம்பாட்டு மற்றும் தொழில்முனைவோர் அமைச்சகம் தீவிர நடவடிக்கைகளை எடுத்து வருகிறது.
நாடாளுமன்றக் கேள்விக்கு அளிக்கப்பட்ட பதிலின் முக்கியச் சிறப்பம்சங்கள் வருமாறு:
முக்கிய அம்சங்கள்:
- எல்லோருக்கும் திறன் பயிற்சி: பின்தங்கிய மற்றும் கடைக்கோடிப் பகுதி இளைஞர்களுக்கும் பயிற்சிகள் சென்றடைவதை உறுதி செய்ய மாநிலத் திறன் மேம்பாட்டுத் திட்டங்கள் (State Skill Development Missions) மூலம் பயிற்சிகள் வலுப்படுத்தப்பட்டு வருகின்றன.
- தொழில்துறைக்கேற்ற பயிற்சி (PMKVY 4.0): பிரதான் மந்திரி கௌஷல் விகாஸ் யோஜனா (PMKVY 4.0) திட்டத்தின்கீழ், தொழில்துறையின் தேவைகளுக்கு ஏற்ப (Demand-driven) வெளிப்படைத்தன்மையுடன் பயிற்சிகள் வழங்கப்படுகின்றன.
- எதிர்கால அதிநவீனத் தொழில்நுட்பங்கள்:
- இளைஞர்களுக்குப் புதிய தொழில்நுட்பத் திறன்களைக் கற்றுத்தரவும் (Upskilling & Reskilling) சிறப்புப் பயிற்சிகள் அளிக்கப்படுகின்றன.
- குறிப்பாகச் செயற்கை நுண்ணறிவு (AI), மிஷின் லேர்னிங் (Machine Learning), ரோபாட்டிக்ஸ் (Robotics), கிளவுட் கம்ப்யூட்டிங் (Cloud Computing), ஐஓடி (IoT) மற்றும் பசுமைத் தொழில்நுட்பங்கள் (Green Technologies) போன்ற எதிர்காலத் தொழில் துறைக்குத் தேவையான பாடப் பிரிவுகளில் பயிற்சிகள் வழங்கப்படுகின்றன.
தொழில்துறை நிறுவனங்களின் தேவைகளுக்கேற்ப இந்திய இளைஞர்களை சர்வதேச அளவில் திறமைமிக்கவர்களாக மாற்றுவதில் இந்த நடவடிக்கை முக்கியக் காரணியாக அமையும்!
