புதுடெல்லி / சீனா:
சீனா ஓபன் பேட்மிண்டன் தொடரில், இந்தியாவின் நட்சத்திர வீராங்கனை பி.வி.சிந்து மூன்று செட்கள் நீண்ட விறுவிறுப்பான போராட்டத்தில் சக நாட்டு வீராங்கனை உன்னதி ஹூடாவை வீழ்த்தி இரண்டாம் சுற்றுக்கு முன்னேறியுள்ளார்.
த்ரில்லிங் வெற்றி:
சீனாவில் நடைபெற்று வரும் மதிப்புமிக்க சீனா ஓபன் (China Open Super 1000) பேட்மிண்டன் தொடரின் மகளிர் ஒற்றையர் பிரிவு முதல் சுற்றில் (Round of 32), இரு முறை ஒலிம்பிக் பதக்கம் வென்றவரான பி.வி.சிந்துவும், இளம் வீராங்கனை உன்னதி ஹூடாவும் மோதினர்.
பரபரப்பாக நடைபெற்ற இந்த ஆட்டத்தின் தொடக்கம் முதல் இருவரும் கடுமையான போட்டியை வெளிப்படுத்தினர். முதல் சுட்டைக் கைப்பற்றிய சிந்து, இரண்டாவது சுற்றில் உன்னதி ஹூடாவின் எழுச்சியால் பின்னடைவைச் சந்தித்தாலும், மூன்றாவது மற்றும் தீர்க்கமான சுற்றில் தனது அனுபவ ஆட்டத்தை வெளிப்படுத்தினார். முடிவில் 21-14, 9-21, 21-10 என்ற செட் கணக்கில் உன்னதி ஹூடாவை வீழ்த்தி சிந்து இரண்டாம் சுற்றுக்குள் கால்பதித்தார்.
மற்ற இந்திய வீரர்களின் நிலவரம்:
இத்தொடரின் ஆண்கள் ஒற்றையர் பிரிவில் இந்தியாவின் ஆயுஷ் ஷெட்டி வெற்றி பெற்று அடுத்த சுற்றுக்கு முன்னேறியுள்ளார். இருப்பினும், மற்றொரு முன்னணி வீரரான எச்.எஸ். பிரனாய் மற்றும் மகளிர் பிரிவில் தேவிகா சிஹாக் ஆகியோர் முதல் சுற்றிலேயே தோல்வியடைந்து தொடரிலிருந்து வெளியேறினர்.
