சென்னை:
தமிழக முதலமைச்சரும் தமிழக வெற்றிக் கழகத்தின் (தவெக) தலைவருமான விஜய்யை, தமிழ் சினிமாவின் முன்னணி நடிகை த்ரிஷா சமூக வலைத்தளங்களில் ‘அன்ஃபாலோ’ (Unfollow) செய்துவிட்டார் என்று பரவிய தகவல் முற்றிலும் வதந்தி என்பது உறுதியாகியுள்ளது. இந்த சர்ச்சைகளுக்கு முற்றுப்புள்ளி வைக்கும் விதமாக, விஜய்யின் பிறந்தநாள் நள்ளிரவு கொண்டாட்டப் புகைப்படம் ஒன்றை நடிகை த்ரிஷா தனது இன்ஸ்டாகிராம் பக்கத்தில் பகிர்ந்துள்ளார்.
கடந்த சில தினங்களாகவே எக்ஸ் (X) மற்றும் இன்ஸ்டாகிராம் தளங்களில், த்ரிஷா திடீரென விஜய்யை அன்ஃபாலோ செய்துவிட்டதாகவும், இருவருக்கும் இடையே விரிசல் ஏற்பட்டுள்ளதாகவும் நெட்டிசன்கள் சிலரால் தகவல்கள் பரப்பப்பட்டு வந்தன.
வதந்தி உருவானது எப்படி?
உண்மையில், நடிகை த்ரிஷா தனது அதிகாரப்பூர்வ இன்ஸ்டாகிராம் பக்கத்தில் மிகக் குறைந்த எண்ணிக்கையிலான நபர்களை மட்டுமே ‘ஃபாலோ’ செய்து வருகிறார். அவர் ஆரம்பத்திலிருந்தே விஜய் உள்ளிட்ட சக முன்னணி நடிகர்களின் கணக்குகளை ஃபாலோ செய்யவில்லை என்பதே உண்மை நிலை.
இதனைத் தவறாகப் புரிந்துகொண்ட சிலர், த்ரிஷா விஜய்யை அன்ஃபாலோ செய்துவிட்டதாக வதந்த கிளப்பினர். மேலும், விஜய்யின் பிறந்தநாளுக்கு (ஜூன் 22) த்ரிஷா உடனடியாக வாழ்த்துப் பதிவு எதையும் வெளியிடாததும் இந்த வதந்தி காட்டுத்தீயாய் பரவக் காரணமாக அமைந்தது.
நள்ளிரவு கொண்டாட்டப் புகைப்படத்துடன் வாழ்த்து!
இந்நிலையில், இந்த வதந்திகள் மற்றும் நெகட்டிவ் கமெண்டுகளுக்கு முற்றுப்புள்ளி வைக்கும் விதமாக நடிகை த்ரிஷா அதிரடிப் பதிவு ஒன்றை வெளியிட்டுள்ளார். முதலமைச்சர் விஜய்யின் பிறந்தநாள் நள்ளிரவு கொண்டாட்டத்தின் போது, அவருடன் நெருக்கமாக எடுத்துக்கொண்ட பிரத்யேகப் புகைப்படத்தை த்ரிஷா பகிர்ந்துள்ளார்.
அதில், பிறந்தநாள் கேக்குகள் முன் முதல்வர் விஜய் புன்னகையுடன் நிற்க, அருகில் த்ரிஷா இருக்கும் காட்சி இடம்பெற்றுள்ளது.
“To the person who makes it all worth it, HBD 00.00 ❤️✨”
(அனைத்தையும் அர்த்தமுள்ளதாக்கும் அந்த நபருக்கு, இனிய நள்ளிரவு பிறந்தநாள் வாழ்த்துக்கள்!)
— என த்ரிஷா அந்தப் பதிவில் நெகிழ்ச்சியாகக் குறிப்பிட்டுள்ளார்.
அரசியல் மற்றும் சட்டமன்றக் கூட்டத்தொடர் பணிகளுக்கு இடையே, முதலமைச்சர் விஜய் த்ரிஷாவுடன் கேக் வெட்டிக் கொண்டாடிய இந்தத் தற்போதைய புகைப்படம், சமூக வலைத்தளங்களில் வைரலாகி வதந்திகளுக்கு முற்றுப்புள்ளி வைத்துள்ளது.
